ცენტრალურ  საარჩევნო კომისიაში სხდომაზე, სადაც თბილისში არჩევნების საბოლოო შედეგები  შეაჯამეს, კამათი  იყო.

ოპოზიციის წარმომადგენლებმა განაცხადეს, რომ არჩევნები კანონდარღვევით ჩატარდა. კერძოდ, ისინი მიუთითებენ „ქართული ოცნების“ დამკვირვებლების მიერ,  ამომრჩეველთა სიიდან საარჩევნო  ნომრების ამოწერასა და ამომრჩევლის ნების საწინააღმდეგო მოქმედებაზე. ასევე, ოპოზიციამ ისაუბრა სხვადასხვა სახის დარღვევებზე, რომელიც, მათი თქმით, კენჭისყრის პროცესში გამოვლინდა:

 „მასობრივი ხასიათი ჰქონდა დარღვევებსა და უკანონობას, რომლებმაც მოახდინა ფუნდამენტური გავლენა არჩევნების საბოლოო შედეგზე. უპრეცედენტო მასშტაბი ჰქონდა ადმინისტრაციული რესურსის ორგანიზებულ გამოყენებას, ამომრჩევლის ნებაზე ზემოქმედებას და ამომრჩევლის ნების კონტროლს, კარუსელებს, ეს იყო არჩევნები, რომელიც თავიდან ბოლომდე მასკარადული ფორმით დაიდგა და არ ასახავს ამომრჩევლის ნებას“,-განუცხადა ჟურნალისტებს  „ნაციონალური მოძრაობის“ წარმომადგენელმა ზაზა ბიბილაშვილმა, რომელიც ცესკოში დამკვირვებლის სტატუსით იმყოფებოდა.

ცესკო-ს თავმჯდომარის თამარ ჟვანიას თქმით კი, საკითხები, რომელიც უკავშირდება პროცედურულ ხარვეზებს,  გადაცდომებს, შეცდომებს, არ გამომდინარეობს  მხოლოდ კონკრეტული კომისიის წევრის კომპეტენციიდან.

„ეს ძალიან დიდწილად უკავშირდება საარჩევნო პროცედურებს, საარჩევნო კანონმდებლობას, იმ მოთხოვნებს და იმ რეჟიმს, რომელშიც ისინი მუშაობენ, მომავალი ნაბიჯები გაუმჯობესებისკენ უნდა გადავდგათ, რომ საუბნო-საარჩევნო კომისიების ეფექტურობა უფრო გაიზარდოს“,-აღნიშნა თამარ ჟვანიამ.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია