„ვერავინ დამაჯერებს, რომ არჩევნებზე მისულმა ყოველმა მეორე თბილისელმა კახა კალაძეს მისცა ხმა“,-ასე გამოეხმაურა  ეგზითპოლების შედეგებს „ნაციონალური მოძრაობის“ თბილისის მერობის კანდიდატი  ზაალ უდუმაშვილი. 

უდუმაშვილის თქმით, ის რაც დღეს ხდებოდა მთელი საარჩევნო პროცესი ეს იყო სპეცოპერაცია ქართველი ხალხის წინააღმდეგ.

„ჩვენ დილიდან ვუყურებდით როგორ მიმდინარეობდა საარჩევნო პროცესი, როგორ მიმდინარეობდა ზეწოლა მოსახლეობაზე, როგორ მიმდინარეობდა ტოტალური კონტროლი უშუალოდ საარჩევნო უბნებზე „ქართული ოცნების“ წარმომადგენლების მხრიდან. აკონტროლებდნენ ყველაფერს ვინ შემოდიოდა და ვის აძლევდნენ ხმას.ასევე გვაქვს ინფორმაცია, რომ ჩვენს მომხრეებს, რომლებიც აპირებდნენ მოსვლას არჩევნებზე, ურეკავდნენ და აშინებდნენ, რომ ისინი არ მოსულიყვნენ არჩევნებზე. იმ ინფორმაციასაც ვფლობთ რომ კახი კალაძე ზუსტად აპირებდა გარკვეული პროცენტის დაწერას  და ამისთვის იბრძოდა ზუსტად. მივიღეთ შედეგი, რომ „ქართული ოცნება“ წავიდა  ქართველი ხალხის წინააღმდეგ და თბილისელების წინააღმდეგ. ჩვენ ბუნებივია დაველოდებით ცესკოს შედეგებს, ბუნებრივია იმასაც ვითვალისწინებთ, რომ ეგზითპოლების შედეგები, რომელიც გამოქვეყნდა არის 6 საათის მონაცემები  და მაჩვენებელი შეიძლება შეიცვალოს. თუმცა ნებისმიერ შემთხვევაში ვერავინ დამაჯერებს, რომ არჩევნებზე მისულმა ყოველმა მეორე თბილისელმა კახა კალაძეს მისცა ხმა. ყველა პოლიტიკურ პარტიას მოვუწოდებთ რომ ბოლომდე დავიცვათ ჩვენი ხმები“,-განაცხადა უდუმაშვილმა.

ავტორი: ,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება