ფინანსთა მინისტრის მოვალეობის შემსრულებელი ნოდარ ხადური მიიჩნევს, რომ პარლამენტის მიერ მთავრობისთვის ხელახალი ნდობის გამოცხადების 1 კვირით გადადება  პრობლემებს ქმნის. 

კერძოდ, როგორც ხადურმა ჟურნალისტებს განუცხადა, მათ უწევთ განმარტებების გაკეთება უცხოელი კოლეგებისთვის, რომლებიც თბილისში დაგეგმილ ევროპის რეკონსტრუქციისა და განვითარების ბანკის ყოველწლიურ შეხვედრაზე ჩამოსვლას აპირებენ. 

მისივე თქმით, ერთ კვირაში საქართველოში რამდენიმე ქვეყნის მაღალი დონის დელეგაცია ჩამოვა. 

„ჩვენ დღეს სამუშაო რეჟიმში შევიკრიბეთ. მთავრობა ჩვეულ რეჟიმში მუშაობს. იურისტებმაც გააკეთეს ამასთან დაკავშირებით განმარტებები, რომ არა მარტო ძველი მინისტრები, არამედ ახალ დანიშნული მინისტრებიც უფლებამოსილები არიან დაიწყონ მუშაობა.  რაც შეეხება იმას, რომ დამტკიცება 1 კვირით გადაიდება, ეს ცხადია გარკვეულ პრობლემებს ქმნის.  ჩვენ გვიწევს განმარტების გაკეთება ჩვენი კოლეგებისთვის, რომლებიც აპირებენ ჩამოვიდნენ ევროპის რეკონსტრუქციისა და განვითარების ბანკის ყოველწლიურ შეხვედრაზე, რომლის მსგავსი მასშტაბის ღონისძიება საქართველოში და კავკასიაში ჯერ არ ჩატარებულა.  იმედი მაქვს, გადაწყვეტილება მოკლე ვადებში იქნება მიღებული და ასეთი კითხვები მოიხსნება. უკვე დაახლოებით 1 კვირაში თბილისში ჩამოვა ამ ორგანიზაციის პრეზიდენტი, რომელიც შემდეგ სომხეთს ეწვევა და შემდეგ ისევ დაბრუნდება საქართველოში.  ჩამოვა არაერთი ქვეყნის ძალიან მაღალი დონის დელეგაცია, 15–მდე ფინანსთა მინისტრი, ამავე რაოდენობის ეკონომიკის მინისტრი, რამდენიმე ქვეყნის ვიცე–პრემიერი, ცენტრალური ბანკის ხელმძღვანელი. ვფიქრობ, ამ ღონისძიებებს სათანადოდ უნდა დავხვდეთ. ეს ღონისძიება დათქმულ ვადებში ჩატარდება“, – აღნიშნა  ნოდარ ხადურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სალომე ზურაბიშვილი: ქვეყანაში არჩევნები ჩატარდება, მაგრამ პირობები არ ვიცით

ნიკა გვარამია: „ოცნება“ პოლიტპატიმრებს დასავლეთთან ვაჭრობის იარაღად იყენებს

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან