ქაბულში მომხდარ აფეთქებებზე პასუხისმგებლობა „თალიბანის“ შემდეგ „ისლამურმა სახელმწიფომაც“ აიღო

2017-09-27 15:11:35, 2489 ნახვა

მსოფლიო

ქაბულის საერთაშორისო აეროპორტთან მომხდარ სარაკეტო თავდასხმაზე "თალიბანის" შემდეგ, პასუხისმგებლობა ტარორისტულმა დჯგუფება "ისლამურმა სახელმწიფომ" აიღო, - ამის შესახებ დაჯგუფებასთან დაახლოებული სააგენტო Amaq-ი იუწყება.

ამასთან, მედია საშუალება იმ ვიდეოსაც ავრცელებს, სადაც ჩანს თუ როგორ უმიზნებს დაჯგუფების ერთ-ერთი ტერორისტი SPG9-ს ტიპის რაკეტას აეროპორტს.

შეგახსენებთ, რომ აეროპორტის მიმდებარე ტერიტორიაზე 20-30 რაკეტა ჩამოვარდა. აღსანიშნავია, რომ ამ დრომდე დაშავებულთა ან დაღუპულთა შესახებ ინფორმაცია არ გავრცელებულა. დაბომბვის შემდეგ აეროპორტის ადმინისტრაციამ ყველა რეისი გააუქმა და მგზავრთა ევაკუაცია განახორციელა.

ცნობისთვის, ტერორისტებს პენტაგონის ხელმძღვანელის, ჯეიმს მეტისის მოკვლა სურდათ, რომელიც ქვეყანაში ოფიციალური ვიზიტით იმყოფება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები