ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე ლიტვის რესპუბლიკის საპარლამენტო დელეგაციის წევრებს მთავრობის ადმინისტრაციაში შეხვდა.

მინისტრის განცხადებით, ლიტვა  საქართველოს სტრატეგიული პარტნიორია. 

„ორმხრივ და მრავალმხრივ ფორმატში მათთან თანამშრომლობა როგორც ნატოში, ასევე ევროკავშირის ფარგლებში არის ძალიან მნიშვნელოვანი. ასევე, ძალიან მნიშვნელოვანი და სასარგებლოა მეგობრობის ჯგუფთან შევედრები საპარლამენტო და აღმასრულებელ დონეზე“- განაცხადა ვიქტორ დოლიძემ.

ლიტვა-საქართველოს საპარლამენტო მეგობრობის ჯგუფის ხელმძღვანელის ჟიგიმანტას პავილიონისის თქმით, წარმატებული რეფორმების თვალსაზრისით, საქართველო ნამდვილი ლიდერია „აღმოსავლეთ პარტნიორობის ქვეყნებს შორის.

 პავილიონისმა  ევროპული და ევროატლანტიკური ინტეგრაციის პროცესში საქართველოს დახმარებისა და მხარდაჭერის  მზადყოფნა  გამოთქვა.

შეხვედრაზე მხარეებმა საქართველოს ევროპული და ევროატლანტიკური ინტეგრაციის პროცესისა და ამ პროცესის თანმხლებ გამოწვევებზე იმსჯელეს.

 განსაკუთრებული ყურადღება გამახვილდა მიმდინარე წლის ნოემბერშიდაგეგმილი აღმოსავლეთ  პარტნიორობის სამიტისთვის  მზადებასა და მოლოდინებზე.

 ვიქტორ დოლიძემ ლიტვის რესპუბლიკის საპარლამენტო დელეგაციის წევრებს  სამიტის ფარგლებში ქართული მხარის პრიორიტეტებზე მიაწოდა ინფორმაცია.

 (NS)

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს