აზიის განვითარების ბანკმა თიბისი ბანკი ზედიზედ უკვე მესამედ დაასახელა საუკეთესო პარტნიორ ბანკად საქართველოში ვაჭრობის ფინანსირების მიმართულებით.

დაჯილდოების საზეიმო ცერემონია სინგაპურში გაიმართა და მას 17 ქვეყნის 150-ზე მეტი წარმომადგენელი დაესწრო. აზიის განვითარების ბანკმა 18 საუკეთესო პარტნიორი ბანკი გამოავლინა, რომლებთანაც ADB ყველაზე აქტიურად თანამშრომლობს.

"ვაჭრობის ფინანსირების პროგრამა უკვე მესამე წელია ავლენს ჩვენს ყველაზე აქტიურ პარტნიორებს მსოფლიოს სხვადასხვა ქვეყანაში. ჩვენი პარტნიორი ბანკების გარეშე აზიის განვითარების ბანკის ვაჭრობის ფინანსირების პროგრამა მიმდინარე წელს ვერ მოახერხებდა იმ შედეგების მიღებას, რაც გვაქვს.  ეს დაჯილდოება საუკეთესო შესაძლებლობაა იმისა, რომ ჩვენ კიდევ ერთხელ მადლობა გადავუხადოთ გამარჯვებულ ბანკებს  პარტნიორობისთვის  და  მათი გაწეული სამუშაოსთვის. გამარჯვებულ ბანკებთან თანამშრომლობით, ჩვენ ერთობლივად მნიშვნელოვანი წვლილი შეგვაქვს  ეკონომიკურ ზრდასა და სამუშაო ადგილების შექმნაში", - განაცხადა სტივენ ბეკმა, აზიის განვითარების ბანკის ვაჭრობის ფინანსირების ხელმძღვანელმა.

ADB 1966 წელს დაარსდა და მის მიზანს სიღარიბის შემცირება წარმოადგენს აზიისა და ოკეანეთის ქვეყნებში ეკონომიკური ზრდისა და რეგიონალური ინტეგრაციის გზით.  პროგრამის ფარგლებში, აზიის განვითარების ბანკმა  2016 წელს 31.7 მილიარდი დოლარი გამოყო და არაერთი სექტორი დააფინანსა სხვადასხვა ქვეყანაში.

2009 წლიდან დღემდე ADB-ის ვაჭრობის ფინანსირების პროგრამამ 10 900-ზე მეტ მცირე და საშუალო საწარმოს გაუწია ფინანსური მხარდაჭერა, რისთვისაც  16 000 ტრანზაქცია განახორციელა.

(R)

ავტორი: ,

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით