საქართველოს საგარეო საქმეთა მინისტრის მიხეილ ჯანელიძის განცხადებით, აბასთუმანში ხანძრის ქრობის პროცესში საქართველოს უკრაინა, თურქეთი, აზერბაიჯანი და ირანი გაუწევენ.

როგორც მინისტრმა "იმედის" ეთერში განაცხადა, საელჩოების მეშვეობით საქართველო პარტნიორ ქვეყნებთან პირდაპირ კონტაქტზეა.

“სამწუხაროდ ჩვენ ვდგავართ ხანძრის პროცესში და სიტუაცია საკმაოდ მწვავეა აბასთუმნის მიდამოებში და ტყეში. როგორც უკვე შინაგან საქმეთა მინისტრმა განაცხადა საკმაოდ მიუვალი ტერიტორიაა. ამისათვის საჭიროა, რომ ჩაერთოს ავიაცია და ჩვენ უკვე გუშინ, საღამოს შემდეგ მოვახდინეთ მაქსიმალური მობილიზება საერთაშორისო შესაძლო დახმარების ტექნიკით, ავიაციით, რომელიც ამ კონკრეტულ სიტუაციაში შეიძლება იქნეს გამოყენებული. ძალიან აქტიურად მუშაობს როგორც შტაბი, ადგილზე ასევე სხვა უწყებების წარმომადგენლები არიან და პრემიერ-მინისტრის ჩართულობით ასევე შედგა რამდენიმე კომუნიკაცია ჩვენს მეზობლებთან. მინდა აღინიშნოს, რომ ჩვენი საელჩოების მეშვეობით პირდაპირ კონტაქტზე ვართ ჩვენს პარტნიორებთან, ვისაც შესაბამისი ტექნიკა გააჩნია და შედეგად უკვე დღის მეორე ნახევარში საქართველოში იქნება შესაბამისი თვითმფრინავები და ვერტმფრენები. თვითმფრინავებით დახმარებას გაგვიწევს უკრაინა და თურქეთი, ასევე ვერტმფრენით დაგვეხმარება აზერბაიჯანი, ასევე ჩვენ ველოდებით დახმარებას ირანიდან, რომელიც მზად არის ამ ეტაპზე ვერტმფრენებით დაგვეხმაროს და ასევე განიხილება თვითმფრინავით დახმარების შესაძლებლობა. ეს ავიაცია იმ ცოცხალ ძალასთან ერთად, რომელიც მობილიზებულია ხეობაში და ხანძრის მიდამოებში გვაძლევს იმედს, რომ შესაძლებელს გახდის ხანძრის ლოკალიზაციას და ლიკვიდირებას“, - აღნიშნა მიხეილ ჯანელიძემ.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა