10:00 საათზე, საქართველოს მთავრობის ადმინისტრაციაში მთავრობის სხდომა გაიმართება.
მის: ინგოროყვას ქ.#7

10:00 საათზე, ზესტაფონში ღვთისმშობლის მიძინების საკათედრო ტაძარში ავღანეთში მომხდარი თავდასხმისას დაღუპული ქართველი სამხედრო მოსამსახურის, უმცროსი სერჟანტის, მდინარი ბებიაშვილის სამოქალაქო პანაშვიდი გაიმართება.
მის: ზესტაფონი, რუსთაველის ქ. N1; ქალაქის ცენტრი, გამგეობის მოპირდაპირე მხარე

12:00 საათზე, პარლამენტის თავმჯდომარე ირაკლი კობახიძე, სასტუმრო „რადისონ ბლუ ივერიაში", საჯარო და კერძო სექტორებს შორის დიალოგის საპარლამენტო პლატფორმის განვითარებაში შეტანილი წვლილისათვის საქართველოს ხელისუფლებისა და კერძო სექტორის წარმომადგენლების დაჯილდოების ცერემონიას საპატიო სტუმრის სტატუსით დაესწრება.

13:00 საათზე, თბილისის მუნიციპალიტეტის ადამიანის უფლებათა დაცვისა და სამოქალაქო ინტეგრაციის კომისიის თავმჯდომარე, მაჟორიტარი დეპუტატი გულიკო ზუმბაძე, სამოქალაქო მონიტორინგის ჯგუფთან და შპს ,,თბილსერვის ჯგუფი“-ს ხელმძღვანელობასთან ერთად, ქალაქის ნარჩენების პოლიგონზე კომპანია „დაგის“ მიერ მიმდინარე სამშენებლო და საკონსერვაციო სამუშაოებს ადგილზე დააკვირდება.
მისამართი: დიდი ლილოს მიმდებარე ტერიტორია, ქალაქის საყოფაცხოვრებო ნარჩენების პოლიგონი

15:00 საათზე, ავღანეთში მომხდარი თავდასხმისას დაღუპულ ქართველ სამხედრო მოსამსახურეს, უმცროს სერჟანტ მდინარი ბებიაშვილს ზესტაფონში, ღვთისმშობლის მიძინების საკათედრო ტაძრიდან გამოასვენებენ და ზესტაფონის რაიონის სოფელ მარტოთუბანში დაკრძალავენ.

17:00 საათზე, საქართველოს ეროვნული მუზეუმი თანამედროვე მექსიკელი არტისტის, როჯერ ვონ გუნტენის გამოფენას ,,ედემი’’ შალვა ამირანაშვილის სახელობის ხელოვნების მუზეუმში უმასპინძლებს.
მის.: ლ. გუდიაშვილის ქ. #110

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი