წელს ჩვენი მთავრობისთვის მთავარი  გამოწვევა საქართველოში C ჰეპატიტის სრული დაძლევა იქნება და ამიტომაც 2015 წელს   C ჰეპატიტთან ბრძოლის  წლად ვაცხადებთ,-ამის შესახებ საქართველოს პრემიერ–მინისტრმა ირაკლი ღარიბაშვილმა მთავრობის დღევანდელ სხდომაზე გნცხადა. 

პრემიერის განმარტებით, წლების განმავლობაში C ჰეპატიტის პრობლემა  დაუძლეველი იყო და მისი გადაჭრა წარმოუდგენელი ჩანდა, თუმცა მთავრობის დიდი ძალისხმევის შედეგად დღეს  დაავადების სრულ დაძლევაზეა საუბარი.

„ჩვენ მალე დავიწყებთ უპრეცედენტო პროექტს, რომლის მიზანია არა მარტო მედიკამენტების მიწოდება, არამედ სწორი დიაგნოსტიკა და მკურნალობა.  პროგრამაში ჩაერთვება საქართველოს C ჰეპატიტით დაავადებული ყველა მოქალაქე და, რაც ძალიან მნიშვნელოვანია, მკურნალობა ხელმისაწვდომი იქნება ყველასთვის, მათ შორის, პატიმრებისთვისაც.  ჯანდაცვის სამინისტრო გაამკაცრებს რეგულაციებსა და კონტროლს დაავადების პრევენციისათვის", - განაცხადა ირაკლი ღარიბაშვილმა.

მთავრობის მეთაურმა ხაზგასმით აღნიშნა ჯანმრთელობის სამინისტროსა და პირადად მინისტრ დავით სერგეენკოს წვლილი C ჰეპატიტის პროგრამის ამოქმედებაში და მადლობა გადაუხადა მინისტრს.

ირაკლი ღარიბაშვილმა ასევე მოუწოდა მოსახლეობას, შეუერთდნენ მთავრობის კამპანიას, რათა საზოგადოების მობილიზაციითა და ჩართულობით საბოლოოდ გადაიჭრას C ჰეპატიტის პრობლემა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება