შპს „თბილსერვის ჯგუფის“ ორგანიზებით, ჩუღურეთის რაიონში - ხუდადოვის ტყე-პარკში, დასუფთავების აქცია გაიმართა.

დასუფთავების სამუშაოებს თბილისის მერი დავით ნარმანია, მოადგილესთან  გიგა ნიკოლეიშვილთან ერთად გაეცნო.

მერიის ინფორმაციით, ღონისძიების ფარგლებში, ხუდადოვის ტყე-პარკი წლების განმავლობაში დაგროვილი სამშენებლო და სხვა სახის ნარჩენისგან სრულად გასუფთავდა, ხოლო შეგროვებული ნარჩენის გატანა სპეციალური ტექნიკის საშუალებით განხორციელდა.

თბილისის მერის დავით ნარმანიას განცხადებით, აღნიშნული ღონისძიებების შედეგად ტერიტორიის რეკრეაციული ფუნქცია გაუმჯობესდება.

 „იწმინდება ტერიტორია სამშენებლო ნარჩენებისგან, რომელიც 90-იანი წლებიდან იყრებოდა ამ ტერიტორიაზე. მნიშვნელოვანია ის, რომ ჩვენ შემდგომი 10 დღის განმავლობაში სრულად გავასუფთავებთ ამ ტერიტორიას და  მისი რეკრეაციული ფუნქცია კიდევ უფრო გაუმჯობესდება და გაიზრდება. გასულ წელს ჩვენ აქ ასევე მასობრივი გამწვანების ღონისძიებები ჩავატარეთ, რომლის შედეგადაც 10 000-მდე ხე-მცენარე დაირგო. ამასთან ერთად სამუშაოების დასრულების შემდეგ გავაგრძელებთ ანალოგიურ სამუშაოებს აღმაშენებლის ხეივანზე, სადაც ტერიტორია მოსწორდება დ მომზადდება იმისათვის, რომ საშემოდგომოდ ასევე საკმაოდ ბევრი ხე -მცენარე დავრგოთ და კიდევ უფრო მეტი სიმწვანე შევძინოთ ქალაქს. ამიტომ ქალაქის ყველა სამსახურია მობილიზებული და მაქსიმალურად ინტენსიურად მუშაობენ.“- განაცხადა დავით ნარმანიამ.

აქციაში მონაწილეობა „თბილსერვის ჯგუფის“ თანამშრომლებმა მიიღეს. ადგილზე მობილიზებული იყო სპეციალური ტექნიკაც.

ღონისძიებას თბილისის მერიის ეკოლოგიისა და გამწვანების საქალაქო სამსახურის უფროსი გოგა წერეთელი და ჩუღურეთის გამგებელი ზურაბ ჩიკვილაძე ესწრებოდნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი აცხადებს, რომ აშშ-ის საჰაერო თავდასხმების შედეგად 14 ადამიანი დაიღუპა

აი ჯი დეველოფმენტ ჯორჯიამ, გალტ & თაგარტის ექსკლუზიური მხარდაჭერით, 39.5 მილიონი აშშ დოლარის მწვანე ობლიგაციები განათავსა

კორეული პრემიუმ ბრენდი Manyo უკვე PSP-შია

სახელმწიფოს ლამარიას მონასტრის ტერიტორიაზე კელიების სამშენებლო სამუშაოებზე სააგენტოს ნებართვა არ გაუცია, ეპარქია თავს იმართლებს