ევროპის იმუნიზაციის კვირეულის ფარგლებში აჭარის ა/რ საზოგადოებრივი ჯანდაცვის ცენტრი აჭარის ა/რ ჯანმრთელობისა და სოციალური დაცვის სამინისტროს, ბათუმის პოლიკლინიკების და საავადმყოფოების ხელმძღვანელებს, ასევე აცრებზე პასუხისმგებელ პირებს წარუდგენს ანგარიშს - „აჭარაში მართვადი ინფექციების მიმართ აცრებით მოცვის მაჩვენებლების შესახებ“. 

აჭარის ჯანდაცვის სამინისტროს ინფორმაციით, იმუნიზაციას დაქვემდებარებული სამიზნე მოსახლეობის შესახებ ამცრელი უბნებიდან წარმოდგენილი სტანდარტული ანგარიშის საფუძველზე 2014 წელს  ვაქცინოპროფილაქტიკას დაექვემდებარა   1 წლამდე ასაკის  5992  ბავშვი.

შეხვედრის მიზანია,  კიდევ ერთხელ  მოხდეს იმუნიზაციის აქტუალობის შესახებ ინფორმაციის მიწოდება,  ჯანდაცვის სისტემის სპეციალისტებისთვის, მედიისთვის, მოსახლეობისთვის და სხვადასხვა დაინტერესებული მხარეებისათვის.

საქართველო, როგორც ჯანმრთელობის მსოფლიო ორგანიზაციის ევროპის რეგიონის წევრი ქვეყანა, იმუნიზაციის კვირეულში 2007 წლიდან მონაწილეობს. ევროპის იმუნიზაციის კვირეულის მიზანია რეგიონში ვაქცინაციით მოცვის მაჩვენებლის გაუმჯობესება – იმუნიზაციის მნიშვნელობის შესახებ ინფორმირებულობის გაზრდით და მოსახლეობის მოწყვლად ჯგუფებზე სპეციალური ფოკუსირებით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი