ფინანსთა მინისტრის ნოდარ ხადურის მტკიცებით ფინანსთა სამინისტროს მომსახურების სააგენტოს გენერალურ დირექტორს ზურაბ ახალკაციშვილს კანონი არ დაურღვევია.

თუმცა, მისივე შეფასებით, ახალკაციშვილმა თანამდებობის დატოვების შესახებ სწორი გადაწყვეტილება მიიღო.

 „მომსახურების სააგენტოს, გარდა ინტერნეტ აუქციონებისა აქვს ჩვეულებრივი მაღაზიები, სადაც შესაძლებელია, რომ ადამიანი მივიდეს და რაიმე შეიძინოს. ის ავტომანქანა, რომელიც ზურაბ ახალკაციშვილმა შეიძინა ჩეულებრივი ვაჭრობის შედეგად გაიყიდა, ის საბაზრო ფასად შეიძინა. 42 ბიჯი იყო დადებული და ეს არ ყოფილა ჩაკეტილი აუცქციონი. კანონი არ დარღვეულა, თუმცა ზურაბ ახალკაციშვილმა ჩემი აზრით სწორი გადაწყვეტილება მიიღო და მან თანამდებობა დატოვა“, – განაცხადა ხადურმა.

ცნობისთვის, ზურაბ ახალკაციშვილი ფინანსთა სამინისტროს მომსახურების სააგენტოს გენერალური დირექტორის პოსტს ტოვებს.

როგორც ახალკაციშვილი გავრცელებულ განცხადებაში განმარტავს, მან ეს გადაწყვეტილება მედიაში გავრცელებული იმ ინფორმაციის გამო მიიღო, რომლის თანახმადაც მისი მხრიდან კანონის შესაძლო დარღვევას ჰქონდა ადგილი. ახალკაციშვილმა ეს ბრალდება უარყო, თუმცა, მისივე თქმით, იმის გამო, რომ ფინანსთა სამინისტროს რეპუტაციას საფრთხე არ შეექმნას, თანამებობას ტოვებს. 

„დღეს, მედიასაშუალებით გავრცელდა ინფორმაცია სსიპ საქართველოს ფინანსთა სამინისტროს მომსახურების სააგენტოს ხელმძღვანელის მხრიდან კანონის შესაძლო დარღვევის თაობაზე, აგრეთვე სააგენტოში IP ტელეფონებზე შემოსული ზარების მონიტორინგთან დაკავშირებით. საზოგადოებისთვის განვმარტავ, რომ აღნიშნული კანონის თანახმად, სსიპ-ის ხელმძღვანელი თანამდებობის პირად მოიაზრება მხოლოდ ქონებრივი დეკლარაციის შევსების ნაწილში, ხოლო ამ კანონის სხვა ყველა დანარჩენი ნორმა საჯარო სამართლის იურიდიული პირის ხელმძღვანელზე არ ვრცელდება, შესაბამისად, სააგენტოს მიერ გამოცხადებულ ინტერნეტ აუქციონში, ამავე სააგენტოს დირექტორის მონაწილეობა არ არის კანონთან შეუსაბამო. რაც შეეხება ე.წ. IP ტელეფონებზე შემოსული ზარების მონიტორინგის საკითხს, აღნიშნული ხორციელდებოდა ცხელ ხაზზე შემოსული ზარების მონიტორინგისა და მომხმარებელთა მომსახურების გაუმჯობესების მიზნით და ეს პირიქით, აუცილებელია შემოსულ ზარებზე ეფექტური რეაგირებისათვის. მიუხედავად იმისა, რომ ზემოაღნიშნულ არც ერთ შემთხვევაში, ადგილი არ ჰქონია კანონდარღვევას, გამოცხადებულ ინტერნეტ აუქციონში მონაწილეობის გამო საზოგადოების წინაშე  ვიღებ მორალურ პასუხისმგებლობას და იმისთვის, რომ ჩრდილი არ მიადგეს მომსახურების სააგენტოს, ზოგადად, საქართველოს ფინანსთა სამინისტროს რეპუტაციას, ჩემს კოლეგებს, მივიღე გადაწყვეტილება, დავტოვო დაკავებული თანამდებობა“, – ნათქვამია განცხადებაში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან