ელოშვილი: სემეკი სრულიად დამოუკიდებელია და ის მიიღებს გადაწყვეტილებას გაიზრდება თუ არა გაზის ტარიფი

2017-07-12 13:06:47, 2488 ნახვა

კომენტარი

ენერგეტიკის ახალი მინისტრი ილია ელოშვილი არ საუბრობს, რა მოლოდინი აქვს ენერგეტიკის სამინისტროს გაზის ტარიფთან დაკავშირებით, რომელსაც სემეკ-ი მომავალ კვირას დაადგენს.

ელოშვილის თქმით, საქართველოს ენერგეტიკისა და წყალმომარაგების მარეგულირებელი ეროვნული კომისია თავის მოქმედებებში სრულიად დამოუკიდებელია და ყველა მის გადაწყვეტილებას უნდა დაელოდოს:

"ამ შემთხვევაში მოლოდინები არ არის მნიშვნელოვანი, არის დამოუკიდებელი კომისია, რომელიც ამ ეტაპზე ითვლის ტარიფებს. ის თავის მოქმედებებში არის სრულიად დამოუკიდებელი, ძალიან ცოტა დრო დარჩა იმისთვის, რომ ჩვენ მივიღოთ პასუხები, გაიზრდება თუ არა გაზის ტარიფი. ჩემი თხოვნაა, დაველოდოთ, ძალიან ცოტა დრო დარჩა და ჩვენ გავიგებთ, რა იქნება", - განაცხადა ელოშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან