2017-07-12 09:20:57, 2897 ნახვა
პოლიტიკა კომენტარი
სააკაშვილი უცხოელებზე მიწის გასხვისების აკრძალვაზე: ეს იქნება კორუფციის დამატებითი წყარო
საქართველოს ყოფილი პრეზიდენტი მიხეილ სააკაშვილი ახალ კონსტიტუციაში მიწის გასხვისების ჩანაწერის გაკეთებას ეხმაურება და მთავრობას გონიერების გამოჩენისკენ მოუწოდებს.
„უცხოელები დაარსებენ ქართულ ფირმას, ქართველების მეშვეობით შემოვლენ და ჩვეულებრივ იყიდიან, თუ მოინდომეს. ეს თავის მოტყუებაა და იქნება კორუფციის დამატებითი წყარო“, - განაცხადა მიხეილ სააკაშვილმა „არჩევანის“ პირდაპირ ეთერში.
მისივე თქმით, ეს ჩანაწერიც რუსული გავლენის შედეგია, რომ არცერთი უცხოელი, რუსის გარდა, საქართველოში არ იყოს. მან ასევე აღნიშნა, რომ ტურიზმი ქვეყნის შემოსავლების ერთ-ერთი მთავარი წყაროა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
