კობახიძე: აუდიტის სამსახურის ახალი ხელმძღვანელის კანდიდატებზე გუნდში კონსულტაციები მიმდინარეობს

2017-07-11 14:32:35, 2683 ნახვა

პოლიტიკა კომენტარი

საქართველოს პარლამენტის თავმჯდომარის ირაკლი კობახიძის ინფორმაციით, აუდიტის სამსახურის უფროსი გამწესდება არაუგვიანეს სექტემბრისა.

როგორც კობახიძემ აღნიშნა, კანდიდატებთან დაკავშირებით მმართველ გუნდში კონსულტაციები მიმდინარეობს.

„თუ რიგგარეშე სესია დაინიშნა, შესაძლოა, რიგ გარეშე სესიაზეც იყოს გამწესებული აუდიტის სამსახურის უფროსი. რაც შეეხება კანდიდატებს, ჯერ-ჯერობით არცერთ კანდიდატს არ ვასახელებთ. ამასთან დაკავშირებით გუნდში გვექნება კონსულტაციები. კონსტიტუციის თანახმად, ეს არის პარლამენტის თავმჯდომარის ერთპიროვნული გადაწყვეტილება, თუმცა გადაწყვეტილებას საპარლამენტო უმრავლესობა იღებს, აქედან გამომდინარე პირველ რიგში გუნდთან გვექნება კონსულტაციები კანდიდატთან დაკავშირებით და ამის საფუძველზე მიიღება გადაწყვეტილება“,- განაცხადა კობახიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან