საქართველოს სავაჭრო–სამრეწველო პალატის პრეზიდენტის კახა ბაინდურაშვილის შეფასებით, ბელარუსის საბაჟო კავშირში გაწევრიანება  საქართველოსთვის, ბიზნესის კუთხით,  გარკვეულ პერსპექტივებს ქმნის. 

ამის შესახებ ბაინდურაშვილმა ჟურნალისტებს სასტუმრო „თბილისი მერიოტში“ განუცხადა, სადაც საქართველო–ბელარუსის ბიზნეს ფორუმი მიმდინარეობს. 

„ბელარუსის საბაჟო კავშირში გაწევრიანების შემდეგ საქართველო–ბელარუსს შორის სავაჭრო ურთიერთობები არ შეზღუდულა, პირიქით გაიზარდა და ეს გარკვეულ პერსპექტივებასაც ქმნის. ბელარუსის საბაჟო კავშირში წევრობა ჩვენს შემთხვევაში ხელის შემშლელი ფაქტორი არ გახლავთ“, – აღნიშნა ბაინდურაშვილმა. 

მისივე თქმით, წლების განმავლობაში სავაჭრო–ეკონომიკური ურთიერთობები საქართველოსა და ბელარუსს შორის გაიზარდა. 

„2004 წლიდან 10–12 ჯერ გავზარდეთ სავაჭრო ბრუნვა ქვეყნებს შორის და ამის საწინდარი ბიზნესთან ურთიერთობაა, ასევე ისეთი ღონისძიებები, როგორსაც ჩვენ დღეს ვატარებთ“, – აღნიშნა ბაინდურაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ცივი იარაღის გამოყენებით მამაკაცს მრავლობითი დაზიანება მიაყენა და შემთხვევის ადგილიდან მიიმალა

თიბისი კონცეპტი წარმოგიდგენთ ინოლა გურგულიას შემოქმედებისადმი მიძღვნილ კონცერტს

ფრანგმა პროკურორებმა ილონ მასკის წინააღმდეგ სისხლის სამართლის გამოძიება დაიწყეს.

ირანი გეგმავს, რომ მსოფლიოს უმსხვილესი IT კომპანიებისგან ჰორმუზის სრუტეში კაბელების გაყვანისთვის გადასახადი დააწესოს