ამერიკულმა გამოცემამ Scuba Diving მარტვილის კანიონი ევროპაში დაივინგის საუკეთესო რვა მარშრუტს შორის დაასახელა.

როგორც გამოცემის მიერ გამოქვეყნებულ სტატიაშია ნათქვამი, წყალქვეშა სამყაროთი დაინტერესებულმა ფოტოგრაფებმა Scuba Diving მათი რჩეული ადგილების შესახებ ინფორმაცია და ფოტო მასალა მიაწოდეს.

გამოცემამ რვა საუკეთესო ადგილი შეარჩია - ერთ-ერთ მათგანი სწორედ მარტვილის კანიონია.

მარტვილის კანიონის ფოტო და აღწერა National Geographic-ის რუსული გამომცემლობის ფოტოგრაფს, ვიქტორ ლიაგუშკინს ეკუთვნის.

"საქართველოს უძველესი მიწა შავ ზღვიდან კავკასიის მთებამდეა გაშლილი. აქ ისეთი გასაოცარი გამოქვაბულები და კანიონებია, რომლებსაც სატელიტიც კი ვერ ხედავს. წყალი - საუკეთესო სკულპტორია, ხოლო მარტვილის კანიონი მდინარე აბაშას მიერაა ამოჭრილი. იქ მისასვლელად სიფრთხილე უნდა გამოიჩინოთ, თუმცა თავად ადგილი ტოლკინის წიგნების ილუსტრაციას გავს, ადგილს სადაც, ელფები ცხოვრობენ. კანიონში ულამაზესი ჩანჩქერებია, ციცაბოებია გვიმრებით და სუროებით დაფარული, რომლებიც სადღესასწაულო განათებასავით „მორთული“ კლდეებიდან ვარდება. წარმოუდგენელი სილამაზეა", - წერს ფოტოგრაფი.

ცნობისთვის, საქართველო, სასურველი მარშრუტების ამ ნუსხაში საფრანგეთის, დიდი ბრიტანეთის, შვეიცარიას, ნორვეგიას, სლოვაკეთსა და ხორვატიას შორის აღმოჩნდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები