დედაქალაქის მერია ნაგავშემკრები მანქანებისა და სხვა სპეციალური ტექნიკის შესყიდვის მიზნით ინტერესთა გამოხატვას აცხადებს.

ამის შესახებ თბილისის მერმა დავით ნარმანიამ დედაქალაქის მთავრობის სხდომაზე განაცხადა. 

მისივე თქმით ეს მნიშვნელოვანია იმისვის, რომ ქალაქი უფრო მოწესრიგებული იყოს. 

„საკმარისია ის ტექნიკა რაც გვაქვს, თუმცა აუცილებელია, თანამედროვე და განახლებული ტექნიკა გვყავდეს. ამ თვალსაზრისით მერიამ ბევრი რამ გააკეთა, ფაქტიურად ქალაქი დასუფთავებულია, მოწესრიგებულია და უფრო მეტად დალაგებულია. ნარჩენები პრაქტიკულად ქალაქში აღარ არის, რაც „თბილსერვის ჯგუფის“  დამსახურებაა. შეძენელია ნარჩენების განთავსების კონტეინერები, თუმცა, არასაკმარისია და საჭიროა დამატებითი ტექნიკის შეძენა იმისთვის, რომ ქალაქი ეფექტიანი გახდეს და ნარჩენებისგან გათავისუფლდეს. მერია ამ მიმართულებით ინტერესთა გამოხატვას აცხადებს“, – აღნიშნა ნარმანიამ. 

მისივე ინფორმაციით, ინტერესთან გამოხატვაში მონაწილეობის მიღება შეუძლია ყველა დაინტერესებულ იურიდიულ პირს, ან იურიდიულ პირთა გაერთიანებას, რომლებიც შესაბამისი დოკუმენტით განსაზღვრულ მოთხოვნებს აკმაყოფილებენ. 

შეგახსენებთ, რომ დედაქალაქის მერიაში მთავრობის სხდომა მიმდინარეობს. სხდომას, საკრებულოს ფრაქცია „ნაციონალური მოძროაბის“ წევრი სევდია უგრეხელიძეც ესწრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი