მოსულში მომხდარი აფეთქების შედეგად 2 ჟურნალისტი დაიღუპა

2017-06-24 17:02:49, 2866 ნახვა

მსოფლიო

ერაყის ქალაქ მოსულში მომხდარი აფეთქების დროს დაშავებული ჟურნალისტი დაიღუპა, - ამის შესახებ BBC იუწყება.

მედია საშუალების ინფორმაციით, ფრანგი ჟურნალისტი ვერონიკ რობერი აფეთქების დროს მიღებული ჭრილობების გამო გარდაიცვალა. მანამდე ბაღდადში მას საგანგებო ოპერაცია ჩაუტარდა, რის შემდეგადაც პარიზში, ერთ-ერთ სამხედრო ჰოსპიტალში გადაიყვანეს.

საფრანგეთის მთავრობის გადაწყვეტილებით, ჟურნალისტს საპატიო ლეგიონის ჯილდო მიენიჭება.

შეგახსენებთ, 19 ივნისს მოსულში France Televisions-ის ჟურნალისტი ვერონიკ რობერი კოლეგებთან ერთად ფრანგ ისლამისტებზე რეპორტაჟს აკეთებდა, რა დროსაც აფეთქება მოხდა. აფეთქებას კიდევ 2 ჟურნალისტის სიცოცხლე ემსხვერპლა, ერთმა კი დაზიანებები მიიღო. რობერი ერაყში არსებულ ვითარებას სისტემატიურად აშუქებდა.

ცნობისთვის, არასამთავრობო ორგანიზაციის "რეპორტიორები საზღვრების გარეშე" ცნობით, 2014 წლიდან დღემდე ერაყში 28 ჟურნალისტი დაიღუპა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან