იუსტიციის სამინისტროს სსიპ „აღსრულების ეროვნულმა ბიურომ“ სსიპ "დანაშაულის პრევენციის ცენტრის" ახალგაზრდული პროგრამების მონაწილეებს უმასპინძლა. მოზარდები აღსრულების ეროვნული ბიუროს საქმიანობასა და სერვისებს გაეცნენ.

დამამთავრებელი კლასის მოსწავლეებმა ვიზიტის ფარგლებში მოისმინეს პრეზენტაცია - თუ რას ნიშნავს ვალი, ფინანსური ვალდებულებები და ადმინისტრაციული სახდელი; რისი უფლება აქვთ თავდებობის, იპოთეკის ხელშეკრულების გაფორმების შემთხვევაში მოქალაქეებს; როგორ უნდა დავიცვათ თავი არასასურველი ვალისგან; რა ვადებში უნდა მოხდეს ადმინისტრაციული ჯარიმის გადახდა და სხვა. პრეზენტაციის შემდეგ აღსრულების ეროვნული ბიუროს თანამშრომლებმა ახალგაზრდების კითხვებს უპასუხეს. ვიზიტის დასასრულს, მოსწავლეებს სპეციალური სერტიფიკატები გადაეცათ.

პრევენციული კომუნიკაციის პროექტის მიზანი დამამთავრებელი კლასების მოსწავლეების ინფორმირებაა, რათა ბავშვებმა დროულად გააცნობიერონ შესაძლო რისკები, ვიდრე ვალისა და ფინანსური ვალდებულებების აღებას გადაწყვეტენ. შეხვედრა აღმასრულებელთა საერთაშორისო დღისადმი მიძღვნილი კვირეულის ფარგლებში გაიმართა. კვირეულის ფარგლებში მსგავსი საინფორმაციო შეხვედრები  სხვადასხვა სფეროს წარმომადგენლებთან იმართება.

იუსტიციის სამინისტროს სსიპ „დანაშაულის პრევენციის ცენტრის“ ახალგაზრდული პროგრამების ერთ-ერთი მიზანი მოზარდებში სამოქალაქო და სამართლებრივი ცნობიერების ამაღლებაა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”