2017-06-19 15:53:49, 2846 ნახვა
მსოფლიო
ლონდონში ხანძრის შედეგად დაღუპულთა რაოდენობა 79-მდე გაიზარდა
ლონდონში მომხდარ ძლიერი ხანძრის შედეგად დაღუპულთა რიცხვი 79-მდე გაიზარდა, - ამის შესახებ BBC იუწყება.
მედია საშუალების ინფორმაციით, Grenfell Tower-ის ხანძრის დროს დაკარგული ადამიანები ადგილობრივმა პოლიციამ გარდაცვლილებად სცნო, შესაბამისად საუბარია არა მხოლოდ იმ ადამიანებზე, რომელთა ცხედრები უკვე იპოვეს.
სამართალდამცველების თქმით, დაღუპულთა რიცხვი შესაძლოა ისევ გაიზარდოს.
შეგახსენებთ, რომ კენსინგტონის უბანში მდებარე 24-სართულიან საცხოვრებელ კორპუსში ხანძარი 14 ივნისს, შუაღამით გაჩნდა. ხანძრის ოფიციალური მიზეზი ჯერჯერობით უცნობია.
ცხედრების იდენტიფიცირება ამ დრომდე არ დასრულებულა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
