აზერბაიჯანელი ჟურნალისტის აფგან მუხთარლის ადვოკატი არჩილ ჩოფიკაშვილი თბილისისი პოლიციის სამმართველოში სათვალთვალო კამერების მიერ გადაღებულ იმ ვიდეომასალას გაეცნო, სადაც, ადვოკატის ინფორმაციით, ბარათაშვილის ქუჩაზე მყოფი მუხთარლი ჩანს. 

როგორც ადვოკატმა აღნიშნა, ვიდეოში მისი დაცვის ქვეშ მყოფი N4 სამარშრუტო ტაქსიში ჯდება.

ჩოფიკაშვილის ინფორმაციით, ვიდეომასალა ჟურნალისტის ნაამბობს ადასტურებს, თუმცა არ ფიქსირდება, რა დროს და სად ჩამოვიდა ის ტრანსპორტიდან. 

„არის აუცილებლობა, რომ შსს-მ მთელი გზის პერიმეტრზე არსებული კამერების ჩანაწერები ამოიღოს, რითაც გამოძიება ზუსტი დროის დადგენას შეძლებდა, რა დროს ჩამოვიდა ტრანსპორტიდან აფგან მუხთარლი და შესაბამისად, როდის გაიტაცეს ის. გატაცების ადგილიდან ამოღებული ვიდეომასალა გახდებოდა იმის წინაპირობა, რომ მომხდარიყო გამტაცებელთა და მათი ავტომანქანის იდენტიფიცირება, თუმცა, სამწუხაროა, რომ დღემდე ეს ვიდეომასალა არ არის ამოღებული“, - განაცხადა ჩოფიკაშვილმა.

მისივე განმარტებით, გამოძიებამ მხოლოდ ყოფილი კოლმეურნეობის მოედნის ტერიტორიაზე განთავსებული კამერების ჩანაწერები ამოიღო, სხვა ვიდეომასალები კი, საქმეში არ არსებობს.

„გატაცების ადგილიდან ვიდეომასალები გამოძიებას არ გააჩნია. უფრო მეტიც, შემთხვევის ადგილი დათვალიერებულიც კი არ არის. ყველა ეს ფაქტი მიუთითებს იმაზე, რომ მიმდინარეობს გამოძიება იმისთვის, რომ არ ჩატარდეს გამოძიება“, - აღნიშნა უფლებადამცველმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მრავალწლიანი ტყუილებისთვის ბოდიშს ვიხდით – უნგრეთის საზმაუმ საინფორმაციო გადაცემა შეაჩერა

თბილისის აეროპორტი: ჩვეულ რეჟიმში ვოპერირებთ, მხოლოდ 3 რეისი გადამისამართდა

პაპუაშვილი – იუნკევიჩიენეს მოასინჯინეს ნიადაგი ქართულ ეკლესიაზე თავდასხმისთვის, ახლა მნიშვნელოვანია მკაცრი რეაქცია

ბოჭორიშვილი: საქართველოს წინააღმდეგ საერთაშორისო ინსტიტუტების პოლიტიკური მიზნებისთვის გამოყენების მცდელობები გრძელდება