საქართველოს ყოფილი პრეზიდენტი მიხეილ სააკაშვილი უკრაინაში  ქართველი ჯარისკაცის გიორგი ჯანელიძის დაღუპვის გამო  სამძიმარს გამოთქვამს და მის გმირობაზე საუბრობს.

სააკაშვილი ამის შესახებ „ფეისბუქის“ ოფიციალურ გვერდზე წერს.

„გიორგი ჯანელიძე, რომელიც მაგ დროს თვითონაც დაჭრილი იყო და მისი ქართველი თანამებრძოლი ამხნევებენ ჰოსპიტალში გადაყვანილ დაჭრილ ქართველს. თავში საკმაოდ მძიმედ დაჭრეს, თუმცა ის მაინც დაბრუნდა წინა ხაზზე, წავიდა სადაზვერვო ოპერაციაზე, ის რუსი სამხედრო ინსტრუქტორი გაანადგურა, რომელიც ამ რაიონში ყველაზე მეტ პრობლემას უქმნიდა უკრაინელებს, ბოლო დროს.

ჩვენი გმირები ფრონტზე ხანდახან ასეთი ენით გამოხატავენ ჩვენს ემოციებს. მათ, ვისაც ეს შეიძლება ყურში ცუდად მოხვდეთ, ანდა მათ ვისაც არ ესმის რისთვის წამოვიდნენ ისინი საომრად და რისთვის გასწირეს თავისი სიცოცხლე, მინდა ვუთხრა, რომ სწორედ ეს ბიჭები გვჯობიან ყველას. ეს გიორგის სიტყვებია დაღუპვამდე ცოტა ხნით ადრე - "მე ჩემს 14 წლის შვილს ვუთხარი: თუ დავიღუპები, შენ რუსეთის წინააღმდეგ უნდა განაგრძო ბრძოლა“, – წერს სააკაშვილი.

ცნობისთვის, გიორგი ჯანელიძე საბრძოლო მოქმედებების შედეგად შიროკინოში გუშინ დაიღუპა. ის ბატალიონ „აზოვში“ მსახურობდა.   

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება