ევროპარლამენტში მუხთარლის საქმის შესახებ მომზადებულ რეზოლუციას კენჭი დღესვე ეყრება

2017-06-15 13:00:13, 2624 ნახვა

საზოგადოება კომენტარი მსოფლიო

ევროპარლამენტში აფგან მუხთარლის საქმის შესახებ მომზადებულ რეზოლუციას კენჭი დღესვე ეყრება.

დებატების დროს დეპუტატთა ნაწილმა გამოთქვა მოსაზრება, რომ რეზოლუციის მიღება ევროკომისარის იოჰანეს ჰანის აზერბაიჯანში ვიზიტის შემდეგ მომხდარიყო. მიუხედავად აღნიშნული მოსაზრებისა ევროპარლამენტმა მიიღო გადაწყვეტილება კენჭისყრა დღეს გაიმართოს.

გარდა ამისა, ევროპარლამენტის დეპუტატებმა განაცხადეს, რომ თუ რეზოლუციის მიღებამ და ევროკომისარის ვიზიტმა შესაბამისი შედეგი არ გამოიღო, ევროპარლამენტი აღნიშნულ საკითხს მომდევნო სესიაზე, ივლისში დაუბრუნდება.

შეგახსენებთ, ევროპარლამენტის სესიაზე რეზოლუციის პროექტზე „მუხტარლის საქმე და აზერბაიჯანში მედიის მდგომარეობა“ დებატები რამდენიმე წუთის წინ დასრულდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან