ნიუ იორკში დაკავებული რაჟდენ შულაიას განცხადებით, მისთვის გასაგებია რაში ედება ბრალი, თუმცა რატომ სდებენ მას ბრალს, არ იცის, - ამის შესახებ რაჟდენ შულაიამ სასამართლოს წინაშე გამოსვლისას განაცხადა.

ამერიკის შეერთებული შტატების იუსტიციის სამინისტროს ინფორმაციით, რაჟდენ შულაია საბჭოთა მაფიის სინდიკატის ლიდერია.

როგორც ამერიკული გამოცემა Las Vegas Review Journal-ის  სტატიაშია აღნიშნული, შულაია ფედერალური სასამართლოს წინაშე ლას ვეგასში წარსდგა. სასამართლომ დაკავებულის ნიუ-იორკში გადაყვანის გადაწყვეტილება მიიღო, სადაც საქმის გამოძიება მიმდინარეობს.

Las Vegas Review Journal-ის ცნობით, რაჟდენ შულაია რუსეთის მოქალაქეა.

სასამართლო პროცესზე შულაიას თარჯიმანი დასჭირდა. მისი განცხადებაც, იმასთან დაკავშირებით, თუ რატომ ადანაშაულებენ წარდგენილ ბრალდებებში - სხდომაზე თარჯიმანმა გადათარგმნა, მას შემდეგ რაც მოსამართლემ დაკავებულს ჰკითხა, გაიგო თუ არა კონკრეტულად რა ბრალდებები ჰქონდა წარდგენილი მას და დაჯგუფების სხვა წევრებს.

მედია საშუალების ინფორმაციით, შულაია დაჯგუფებასთან ერთად აშშ-ის რამდენიმე შტატში უკანონო საქმიანობით იყო დაკავებული. ყველაზე ხშირად შულაია კანონს, ნევადაში, ფლორიდაში, პენსილვანიაში, ნიუ ჯერსიში და ნიუ-იორკში აღღვევდა.

ამასთან, სტატიაში ნათქვამია, რომ შულაიას სასჯელის მოხდა ამერიკაში მოუწევს, რადგან ქვეყანას რუსეთის ფედერაციასთან საექსტრადიციო შეთანხმება არ აქვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს