დიდუბის რაიონში ბინათმესაკუთრეთა ამხანაგობების დაფინანსება აქტიურ რეჟიმში მიმდინარეობს.

მერიის ინფორმაციით, ამ ეტაპზე სხვადასხვა სახის სამუშაოები 36 ობიექტზე დასრულდა, მათ შორის: 6 ობიექტზე წყალსაწრეტი მილების რეაბილიტაცია, 9 მისამართზე ქანობიანი და ბრტყელი სახურავების შეკეთება , ასევე,  სადარბაზოების რემონტი, საერთო სარგებლობის კიბეების, ლიფტების, სადარბაზოს მეტალის კარებისა და შენობის სართულშუა ნაპრალების რეაბილიტაცია დასრულდა.

ბინათმესაკუთრეთა ამხანაგობებში განსახორციელებელი პროექტების დაფინანსების მისაღებად, დიდუბის რაიონის გამგეობის თანადაფინანსებული პროექტების განყოფილებაში განცხადებები ყოველი თვის პირველიდან 10 რიცხვის ჩათვლით მიიღება. მაისის თვეში თანადაფინანსებული პროექტების განყოფილებაში 65 განცხადებაა შესული.

მიმდინარე წელს დიდუბის რაიონის გამგეობამ ამხანაგობების მიერ წარდგენილი 178 ობიექტის რეაბილიტაცია დააფინანსა, რომელზეც ჯამში 1 988 056 ლარი დაიხარჯა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.