გლდანის რაიონში, ავჭალა1-ში, წყალარინების (კანალაზაციის) და სანიაღვრე  ქსელის    რეაბილიტაცია  რამდენიმე მისამართზე ერთდროულად მიმდინარეობს.  

თბილისის მერიის ინფორმაციით, სანიაღვრე და კანალიზაციის ამორტიზებული სისტემა სრულად მოწესრიგდება 8 ქუჩაზე, მათ შორის,  გაბაშვილის, ღვალაძის,  ქუჯი ერისთავის და  საგუბაროს ქუჩებზე. 

მათივე ცნობით, რეაბილიტაციის ფარგლებში მიწისქვეშა კომუნიკაციების ქსელი 3093 გრძივ მეტრზე მოეწყობა. 

სამუშაოების მიმდინარეობას თბილისის მერი დავით ნარმანია   გლდანის რაიონის გამგებელ დიმიტრი ორმოცაძესთან ერთად გაეცნო. პროექტის განხორციელების შედეგად კანალიზაციის პრობლემა 245 ოჯახს მოუგვარდება. 

„ძალიან მნიშვნელოვანი საქმე კეთდება. მუხიანის  კერძო დასახლებაში  კანალიზაციის სისტემა   წლების განმავლობაში  გაუმართავი და ამორტიზებული იყო.   მიმდინარე წლის ზაფხულში   250-მდე ოჯახს მოუგვარდება ეს პრობლემა.  ამის შემდეგ საგზაო სამუშაოები შესრულდება და საბოლოოდ, კიდევ ერთ მოწესრიგებულ უბანს მივიღებთ“, - განაცხადა დავით ნარმანიამ. 

კანალიზაციის ქსელის მოწყობის  შემდეგ,  ღვალაძის,  ქობის და გაბაშვილის ცენტრალურ ქუჩებზე გზის საფარი კაპიტალურად შეკეთდება.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს