2017-05-16 12:19:20, 2325 ნახვა
ეკონომიკა
დიმიტრი ქუმსიშვილი ჩინეთის ვიცე-პრემიერს შეხვდება
ჩინეთის სახალხო რესპუბლიკაში სამუშაო ვიზიტის ფარგლებში, საქართველოს პირველი ვიცე-პრემიერი, ფინანსთა მინისტრი დიმიტრი ქუმსიშვილი ანჰოის პროვინციას ეწვევა და ორმხრივ შეხვედრას ჩინეთის ვიცე-პრემიერთან ვანგ იანგთან გამართავს.
უწყების პრესსამსახურის ინფორმაციით, ამასთან ერთად, ანჰოის პროვინციის ქ. ჰეფეიში მონაწილეობას მიიღებს „ექსპო ცენტრალური ჩინეთი 2017" - ის ოფიციალურ გახსნაში და მოხსენებას გააკეთებს საქართველოს საინვესტიციო შესაძლებლობების შესახებ.
დიმიტრი ქუმსიშვილს ექნება მაღალი დონის შეხვედრები ანჰოის პროვინციის ხელმძღვანელ პირებთან.
ანჰოის პროვინციაში ვიზიტისას, პირველი ვიცე-პრემიერი რამდენიმე მსხვილ საწარმოს ეწვევა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
