2017-04-27 10:32:25, 2349 ნახვა
ეკონომიკა საზოგადოება
მედიკამენტების შესყიდვასთან დაკავშირებით ტენდერი ხვალ გამოცხადდება
შრომის, ჯანმრთელობისა და სოციალური დაცვის მინისტრის დავით სერგეენკოს განცხადებით, მედიკამენტების შესყიდვასთან დაკავშირებით ტენდერი ხვალ გამოცხადდება.
მინისტრის განმარტებით ძირითადი კრიტერიუმი ფასი და ხარისხი იქნება.
"ტენდერი გამოცხადდება პარასკევს. კრიტერიუმები იქნება ფასი და ხარისხი. ხარისხი იქნება ჯანდაცვის მსოფლიო ორგანიზაციის მიერ აკრედიტირებული ლაბორატორიის შესაბამისობის სერტიფიკატი. რაც შეეხება ქართულ ორგანიზაციებს მათ რა თქმა უნდა შეეძლებათ მონაწილეობის მიღება", - აღნიშნა სერგეენკომ.
ცნობისთვის, საუბარია, მედიკამენტების შეძენაზე სოციალურად დაუცველი მოსახლეობის იმ კატეგორიისთვის, რომელთა სარეიტინგო ქულაც 100 000-სს არ აღემატება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
