„საქართველოს პარლამენტის ტრიბუნიდან ყველა გამოსვლა არის ძალიან მნიშვნელოვანი" - ასე უპასუხა გიორგი გახარიამ ჟურნალისტის კითხვას იმის თაობაზე, თუ რამდენად მნიშვნელოვანია საქართველოს პრეზიდენტის 7 აპრილს დაგეგმილიგამოსვლა საქართველოს პარლამენტში.

„გიდასტურებთ, რომ ვაპირებ ამ  გამოსვლაზე დასწრებას და გვაქვს მზადყოფნა ამისთვის" - განაცხადა ეკონომიკის მინისტრმა.

„მიწა უნდა იყოს ეკონომიკური ბრუნვის ძალიან მნიშვნელოვანი ნაწილი და კანონმდებლობაც აქედან გამომდინარე უნდაშევქმნათ" - ამის შესახებ გიორგი გახარიამ ჟურნალისტებს საკონსტიტუციო ცვლილებებთან დაკავშირებით დასმულიშეკითხის საპასუხოდ განუცხადა.

„დიდი ალბათობით არ არის სწორი, რომ კონსტიტუციაში მიწასთან დაკავშირებული ასეთი შეზღუდვები არსებობდეს. რათქმა უნდა, რეგულირება  საჭიროა და ეს არის ცალკე სამუშაო საკანონმდებლო კუთხით.  ადრეც მაქვს ნათქვამი და ეხლაცგავიმეორებ, რომ მიწა არის ჩვენი ეკონომიკური ბრუნვის ერთ-ერთი ყველაზე მნიშვნელოვანი აქტი. მთავარი ამოცანაგახლავთ ის, რომ მიწა უნდა იყოს ეკონომიკური ბრუნვის ძალიან მნიშვნელოვანი ნაწილი და კანონმდებლობაც აქედანგამომდინარე უნდა შევქმნათ" - აღნიშნა ეკონომიკის მინისტრმა.

მისივე განცხადებით, ამ საკითხზე ამ მიმდინარეობს მუშაობა,  რომელიც  არ შეიძლება იყოს ხანმოკლე. „ეს სერიოზული,ფუნდამენტური თემაა, რომელსაც შეიძლება გარკვეული დრო დაჭირდეს იმიტომ, რომ ეს გახლავთ მიწის შესახებ კანონი.ამაში გასაკვირი არაფერი არ უნდა იყოს, რადგან მსგავს თემებზე გადაწყვეტილების მიღება უნდა ხდებოდეს მაქსიმალურადშესაძლებელი კონსენსუსის საფუძველზე" - განაცხადა გიორგი გახარიამ.

ასევე, ეკონომიკის მინისტრმა ჟურნალისტებთან 2017 წლის იანვარ-თებერვალში ეკონომიკური ზრდის ტენდენციები შეაფასა: „ჩვენშეგვიძლია ვთქვათ, რომ წელს კარგი სტარტით ვიწყებთ და მითუმეტეს, ძალიან ფრთხილად უნდა ვიყოთ ისეთსაკანონმდებლო ცვლილებებთან მიმართებაში, რომლებმაც შეიძლება თუნდაც მცირე ზიანი მიაყენონ ეკონომიკურ ზრდას" -აღნიშნა გახარიამ.

მინისტრის თქმით, სახელმწიფო სერიოზულად და კონცენტრირებულად ხარჯავს დიდ რესურსს ეკონომიკური ზრდისთვის. „აქ იგულისხმება როგორც ინფრასტრუქტურული პროექტები, ასევე  ინვესტიციები ტურიზმის მიმართულებით. ესყველაფერი კეთდება ეკონომიკური ზრდის დასაჩქარებლად. დღეს რეგიონში ვართ ლიდერები, თუმცა, ისიც გვესმის, რომ 4პროცენტიანი ზრდა არ არის იდეალური და გვინდა კიდევ უფრო მეტი" - განაცხადა გიორგი გახარიამ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია