ბათუმის საქალაქო სასამართლოში გუშინ აქციაზე დაკავებულების, 13 სასამართლო პროცესი ერთდროულად მიმდინარეობს.

არსებული ინფორმაციით, 2 სხდომაზე სასამართლომ გადაწყვეტილება უკვე მიიღო. არასრულწლოვანები დარბაზიდან უკვე გაათავისუფლეს. ერთ დაკავებულს ადმინისტრაციული სამართალდარღვევის გამო 5 დღით პატიმრობა განუსაზღვრეს.

ოფიციალური ინფორმაციით, შინაგან საქმეთა სამინისტრომ გუშინ 40-მდე პირი დააკავა. საქმე აღძრულია მასობრივი არეულობისა და საჯარო და სახელმწიფო დაწესებულებაზე თავდაცვის მუხლებით, თუმცა, დანარჩენ პირებს გამოძიება ადმინისტრაციული სამართალდარღვევის გარდა სიისხლის სამართლის მუხლიც ემუქრებათ.

ცნობისთვის, ბათუმში ვითარება 11 მარტს საღამოს ჭავჭავაძის ქუჩაზე მომხდარი ინციდენტისას დაიძაბა. პოლიციამ 2 მოქალაქე მას შემდეგ დააკავა, რაც პატრულის თანამშრომელმა ერთ-ერთი მათგანი დააჯარიმა, რასაც იქ მყოფ მოქალაქეებსა და პოლიციელებს შორის დაპირისპირება მოჰყვა. მოგვიანებით, პოლიციამ გოგებაშვილის ქუჩაზე მიმდინარე აქციაზე კიდევ 4 პირი დააკავა. მოგვიანებით აქცია აჭარის შს სამმართველოსთან გადაინაცვლა, სადაც პოლიციასა და აქციის მონაწილეებს შორის დაპირისპირება რამდენჯერმე მოხდა.

აქციის მონაწილეები პოლიციის ეზოში შეჭრას ცდილობდნენ, რის შემდეგაც სპეცდანიშნულების რაზმმა ცრემლსადენი გაზი გამოიყენა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია