საქართველოს პრეზიდენტი გიორგი მარგველაშვილი „რუსთავი2“-ის ირგვლივ განვითარებულ მოვლენებს სპეციალურ ბრიფინგზე გამოეხმაურა.

მარგველაშვილის განცხადებით,  „რუსთავი2“, ისევე როგორც ნებისმიერი  მედია, არა უბრალოდ ბიზნესი, არამედ  კრიტიკული და განსხვავებული აზრის გამოხატვის შესაძლებლობაა, რაც დემოკრატიული საზოგადოებისა და საქართველოს ევროპული მომავლისთვის ძალიან მნიშვნელოვანია:

„პროცესი თავიდანვე პოლიტიკოსების ჩარევის შედეგად პოლიტიზირებული გახდა. 2015 წელს მაშინდელი პრემიერის მიერ მთავრობის სხდომაზე გაკეთებული განცხადებებიდან ჩვენ ფაქტობრივად დავდექით სამოქალაქო დაპირისპირების საფრთხის წინაშე. მაშინ მე დამჭირდა ძალიან მკაფიო განცხადებების გაკეთება, რათა პროცესი ქუჩიდან და სამოქალაქო დაპირისპირებიდან გადმომეყვანა მოლაპარაკებების რეჟიმში. მას შემდეგ, პოლიტიკოსების ძალიან აქტიური ჩართულობა ამ საკითხთან დაკავშირებით მუდმივად პროცესის პოლიტიზირებას ახორციელებდა. არ ვეხები რა კერძო მესაკუთრეების ირგვლივ დავას, მინდა, ნათლად ვუთხრა საზოგადოებას, რომ „რუსთავი2“ არ არის უბრალოდ ბიზნესი, ისევე როგორც ნებისმიერი მედია არ არის უბრალოდ ბიზნესი და ის წარმოადგენს ჩვენი  საზოგადოებრივი, პოლიტიკური ცხოვრების მნიშვნელოვან შემადგენელ  ნაწილს. ის არის კრიტიკული და განსხვავებული აზრის გამოხატვის შესაძლებლობა. კრიტიკული და განსხვავებული აზრის დაფიქსირება კი დემოკრატიული საზოგადოებისა  და საქართველოს ევროპული მომავლისთვის ძალიან მნიშვნელოვანია“,-განაცხადა საქართველოს პრეზიდენტმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც