2017-02-13 15:58:36, 2534 ნახვა
სამართალი კომენტარი
კალაძე დეკანოზ გიორგი მამალაძის დაკავებაზე: უმძიმესი დანაშაული ავიცილეთ
ვიცე პრემიერი, ენერგეტიკის მინისტრი კახა კალაძე დეკანოზ გიორგი მამალაძის დაკავებას გამოეხმაურა.
"უმძიმესი დანაშაული ავიცილეთ. ეს იყო კარგად გათვლილი გეგმა. ეს არ იქნებოდა დარტყმა მხოლოდ ეკლესიაზე, მხოლოდ მართლმადიდებლებზე, ეს იქნებოდა დარტყმა საქართველოზე, ქვეყნის ინსტიტუტებზე, ქვეყანაში მშვიდობაზე. ყველა უმკაცრესად დაისჯება", -განაცხადა კალაძემ.
საქართველოს მთავარი პროკურორის, ირაკლი შოთაძის ინფორმაციით, 2017 წლის 10 თებერვალს საქართველოს პროკურატურის თანამშრომლების მიერ ჩატარებული საგამოძიებო მოქმედებების შედეგად მკვლელობის მომზადების ფაქტზე ბრალდებულის სახით დაკავებული იქნა დეკანოზი გიორგი მამალაძე, დანაშაულისთვის, რაც გათვალისწინებულია საქართველოს სისხლის სამართლის კოდექსის 18-108-ე მუხლით.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
