პარლამენტში პრეზიდენტის გიორგი მარგველაშვილის გამოსვლისას, სადაც ის ყოველწლიური მოხსენებით უნდა წარსდგეს, დებატები არ გაიმართება. 

შესაბამისი გადაწყვეტილება ბიუროს დღევანდელ სხდომაზე მიიღეს. 

საკანონმდებლო ორგანოს წევრების გადაწყვეტილებით, მოხსენების შემდეგ  პარლამენტის ფრაქციების თავჯდომარეები, პრეზიდენტის ანგარიშთან დაკავშირებით საკუთარ მოსაზრებებს გამოთქვამენ. თითოეულ მათგანს 15 წუთი დაეთმობა. 

პარლამენტის თავჯდომარის მოადგილის ზვიად ძიძიგურის ინფორმაციით, 31 მარტის სხდომას უზენაესი სასამართლოს თავჯდომარე ნინო გვენეტაძე და დიპლომატიური კორპუსის წარმომადგენლები დაესწრებიან. 

რაც შეეხებათ მთავრობის წევრებს, ძიძიგურის თქმით, პარლამენტი მათ სხდომაზე დასწრებას ვერ დაავალდებულებს.

"სურვილის შემთხვევაში, ნებისმიერ მინისტრს მოსვლის და დასწრების შესაძლებლობა ექნება, მაგრამ ამას პარლამენტი მათ ვერ დაავალდებულებს“, – აღნიშნა ძიძიგურმა. 

ცნობისთვის, პრეზიდენტის ყოველწლიური მოხსენება ხვალ  13:00 საათზე დიწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SOLO და სუხიშვილები წარმოგიდგენთ: "თაკარა" - ვინილი, რომელიც მოძრაობას ბგერად აქცევს

ზახაროვა: თბილისმა მტკიცე და გააზრებული არჩევანი გააკეთა

საქართველოში პატიმრების უპრეცედენტო ზრდაა, - დემოკრატიის კვლევის ინსტიტუტი

კანიე უესტის კონცერტთან დაკავშირებით, მუნიციპალური ტრანსპორტი მგზავრებს გახანგრძლივებული დროით მოემსახურება