ფრიდრიხ ებერტის ფონდის მიერ ჩატარებული კვლევის თანახმად, ახალგაზრდებს შორის აშკარაა უმცირესობების ჯგუფებთან (სექსუალური უმცირესობები) სოციალური დისტანციის არსებობა. ახალგაზრდები ყველაზე ნაკლებად სექსუალური უმცირესობების, ლგბტ თემის წარმომადგენლებს ენდობიან.

გამოკითხვის მიხედვით, რესპონდენტების 44% აცხადებს, რომ თავს არ იგრძნობდა კარგად თუ მათ მეზობლად ჰომოსექსუალი გადმოვიდა. იმ რესპონდენტების 45%-ის, ნეიტრალური დამოკიდებულბა ექნებოდათ ჰომოსექსუალი მეზობლის მიმართ.

აღსანიშნავია, რომ ნეგატიური დამოკიდებულება ჰომოსექსუალების მიმართ ასაკის მატებასთან ერთად იზდება. თუ 14-18 ასაკობრივი კატეგორიის რესპონდენტების 39% ამბობს, რომ თავს იგრძნობდა ცუდად ან ძალიან ცუდად, თუ მათ მეზობლად ჰომოსექსუალი გადმოვიდოდა, იგივე დამოკიდებულებას 19-25 ასაკის რესპონდენტების 41% და 25-29 ასაკის ახალგაზრდების 51% აფიქსირებს.

მნიშვნელოვანი განსხვავება არსებობს მონაცემების გენდერის ჭრილში განხილვისას: მაშინ როდესაც მდედრობითი სქესის წარმომადგენლების 39% იგრძნობდა თავს ცუდად, თუ მათ მეზობლად ჰომოსექსული წყვილი გადმოვიდოდა, მსგავსი დამოკიდებულების მქონე მა- მრობითი სქესის წარმომადგენლების წილი 51%-ს შეადგენს. განსხვავება ასევე საგრძნობია, თუ ერთმანეთს შევადარებთ დედაქალაქის, სხვა ქალაქის ტიპის დასახლებების და სოფლის ტიპის დასახლებებში მცხო ვრები ახალგაზრდების დამოკიდებულებებს. მაშინ როდესაც თბილისში მაცხოვრებელი ახალგაზრდების 21%-ს ჰომოსექსუალების მეზობლად ცხოვრება გაუჭირდებოდა, მსგავსი დამოკიდებულების მქონე რესპონდენტების 59% სოფლის ტიპის დასახლებებში ცხოვრობს.

ქვეყნის მასშტაბით ჩატარებული კვლევა მოიცავდა 14-29 წლის ახალგაზრდებს. კვლევა ჩატარდა 2016 წლის მაისი-ივნისის პერიოდში. ფრიდრიხ ებერტის ფონდმა მსგავსი კვლევები განახორციელა დასავლეთ ბალკანეთის ქვეყნებსა და ცენტრალურ აზიაში. წინამდებარე კვლევა, არის აღმოსავლეთ პარტნიორობის ქვეყნებში ჩატარებული სერიების ნაწილი, სომხეთში ჩატარებულ კვლევასთან ერთად, რომელიც უკვე დასრულდა. აღნიშნული კვლევები შექმნილია იმისათვის, რათა შესაძლებელი გახდეს გამოკითხვაში მონაწილე ქვეყნების შედეგების შედარება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თეთრმა სახლმა განაცხადა, რომ აშშ-სა და ირანს შორის ტექნიკური მოლაპარაკებები მიმდინარეობს

უკრაინამ Rheinmetall-ისგან 155 მმ-იანი საარტილერიო ჭურვები შეუკვეთა

უკრაინამ და შვედეთმა 16 Gripen E გამანადგურებლის შესყიდვის შესახებ შეთანხმებას მოაწერეს ხელი

ღალიბაფი: თუ აშშ უარს იტყვის დიალოგის გზით ნაკისრი ვალდებულებების შესრულებაზე, ჩვენ ომისთვის მზად ვართ