ეროვნულ სასწავლო ცენტრ „კრწანისში“ საერთო საჯარისო ცენტრის საბრძოლო უზრუნველყოფის სკოლის სამხედრო პოლიციის, სამხედრო-სამედიცინო და ლოგისტიკის უმცროს ოფიცერთა მომზადების კურსების გამშვების ცერემონიალი გაიმართა.

თავდაცვის სამინისტროს ინფორმაციით, კურსდამთავრებულებს სიტყვით საქართველოს შეიარაღებული ძალების წვრთნებისა და სამხედრო განათლების სარდალმა, პოლკოვნიკმა მალხაზ მაკარაძემ მიმართა და სწავლების დასრულება მიულოცა. ღონისძიების დასასრულს ახალგაზრდა ოფიცრებს სწავლების გავლის შესაბამისი სერთიფიკატები გადაეცათ.

უწყების ცნობით, სამხედრო პოლიციის უმცროს ოფიცერთა მომზადების კურსი 19 სამხედრო მოსამსახურემ გაიარა.

15 კვირის განმავლობაში მათ კონვოის ოპერაციები, ტყვეთა მოპყრობის წესები, ჩეკპოინტების მოწყობა, სისხლის სამართლის კანონმდებლობა, ადმინისტრაციული სამართალდარღვევათა კოდექსი და ადამიანის უფლებები შეისწავლეს.

სამხედრო-სამედიცინო უმცროს ოფიცერთა მომზადების კურსი კი, 4 სამხედრო მოსამსახურემ დაამთავრა. 16 კვირიანი სასწავლო კურსის განმავლობაში მონაწილეები დაშავებულთა პრეჰოსპიტალურ მართვას დაეუფლნენ; გაიარეს ზოგადი საექიმო გადამზადება, პრევენციული მედიცინა და სხვა დისციპლინები.

ლოგისტიკის უმცროს ოფიცერთა მომზადების კურსში მონაწილეობა 40 სამხედრო მოსამსახურემ მიიღო. კურსი 16 კვირის მანძილზე გაგრძელდა და მასში მონაწილე სამხედროებმა უზრუნველყოფის ბატალიონის სტრუქტურა, ქონების მომარაგების საკითხები, სამხედრო ქონების დასაწყობებისა და აღრიცხვის საფუძვლები გაიარეს, ასევე, შეისწავლეს სააღრიცხვო დოკუმენტაციის ფორმები და ქვედანაყოფის ლოგისტიკიკური უზრუნველყოფის პრინციპები.

სამივე კურსის კურსდამთავრებულები საკუთარ ქვედანაყოფებს დაუბრუნდებიან და შეიარაღებულ ძალებში გააგრძელენ მსახურს.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი