2015-03-27 11:42:06, 637 ნახვა
საზოგადოება
პრემიერ-მინისტრმა გერმანიის საელჩოში სამძიმრის წიგნში ჩანაწერი დატოვა
საქართველოს პრემიერ–მინისტრი ირაკლი ღარიბაშვილი დღეს გერმანიის საელჩოში მივიდა და ავიაკატასტროფის შედეგად დაღუპული გერმანიის მოქალაქეების გამო სამძიმრის წიგნში ჩანაწერი გააკეთა.
მთავრობის ადმინისტრაციის პრესსამსახურის ინფორმაციით, ირაკლი ღარიბაშვილმა, საქართველოს მთავრობისა და ხალხის სახელით, თანადგომა გამოუცხადა კატასტროფის შედეგად დაღუპულთა ოჯახის წევრებს და მთელ გერმანელ ხალხს.
ცნობისთვის, 24 მარტს საფრანგეთის სამხრეთ ნაწილში, ავიაკატასტროფა განიცადა გერმანული ავიაკომპანიის „Germanwings Flight “-ის თვითმფრინავმა, რომელიც რეისს ბარსელონადან დიუსელდორფში ასრულებდა. ავიაკატასტროფის დროს ბორტზე 142 მგზავრი, 2 პილოტი და ეკიპაჟის 4 წევრი იმყოფებოდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
