მშვენიერაძე: მნიშვნელოვანია, სწორად განისაზღვროს გიორგი გასვიანის სტატუსი, როგორც დაზარალებულის

2016-12-19 18:31:36, 1320 ნახვა

საზოგადოება

საქართველოს დემოკრატიული ინიციატივის გამგეობის წევრის, იურისტის გიორგი მშვენიერაძის განცხადებით, ძალიან მნიშვნელოვანია, თავიდანვე სწორად განისაზღვროს ტელეწამყვან გიორგი გასვიანის სტატუსი, როგორც დაზარალებულის.

მისივე თქმით, გამოძიება დროულად უნდა დასრულდეს და სამართალდამრღვევი პირები პასუხისგებაში სწორი კვალიფიკაციით მიეცნენ.

”ძალიან ცუდი ფაქტი მოხდა. სავარაუდოდ, იყო დანაშაულის ნიშნებიც. კარგია, რომ გამოძიება დაიწყო. ის პროკურატურამ ბოლომდე უნდა მიიყვანოს. შედარებით მიუკერძოებელი იქნება ამ ფაქტის გამოძიებისას. ძალიან მნიშვნელოვანია, რომ თავიდანვე სწორად განისაზღვროს გიორგის სტატუსი, როგორც დაზარალებულის.

ამავდროულად გამოძიება დროულად უნდა დასრულდეს და სამართალდამრღვევი პირები პასუხისგებაში სწორი კვალიფიკაციით დროულად უნდა მიეცნენ”,-აღნიშნა გიორგი მშვენიერაძემ.