საგარეო საქმეთა სამინისტროში გაიმართა საქართველოსთვის ევროპის საბჭოს 2016-2019წწ. სამოქმედო გეგმის პროექტების პრეზენტაცია გაიმართა. სამოქმედო გეგმა ევროპის საბჭოს მიერ 2016-2019 წლებში საქართველოში განსახორციელებელ პროექტებს მოიცავს, რომელთა მიზანია საქართველოს ხელისუფლებასთან თანამშრომლობის გზით ადამიანის უფლებების დაცვის, დემოკრატიისა და სამართლის უზენაესობის მიმართულებით არსებული რეფორმების ხელშეწყობა.
 
ევროპის საბჭოს სამოქმედო გეგმის დაფინანსება ძირითადად ხორციელდება ევროპის საბჭოსა და ევროკავშირის მიერ. თუმცა, ევროპის საბჭო იღებს ნებაყოფლობით შემოწირულობებს წევრი, დამკვირვებელი და არა-წევრი სახელმწიფოებისგან, საერთაშორისო ორგანიზაციებისგან, ფონდებისგან, კერძო სექტორისგან და ინდივიდებისგან. შესაბამისად, შეხვედრის მიზანს წარმოადგენდა პროექტების განსახორციელებლად საჭირო დაფინანსების მოძიება.
 
საგარეო საქმეთა სამინისტროში გამართულ ღონისძიებას ესწრებოდნენ საქართველოში აკრედიტებული დიპლომატიური კორპუსის წარმომადგენლები, პროექტების განხორციელებაში ჩართული სამინისტროებისა და ინსტიტუტების ხელმძღვანელი პირები და ევროპის საბჭოს ოფისი საქართველოში.
 
შეხვედრაზე დამსწრე პირებს სიტყვით მიმართეს საქართველოს საგარეო საქმეთა მინისტრის პირველმა მოადგილემ, დავით ზალკალიანმა და საქართველოში ევროპის საბჭოს ოფისის ხელმძღვანელმა, კრისტიან ურსემ.
 
ღონისძიება გაგრძელდა სამუშაო ფორმატში, რომლის ფარგლებშიც განხილულ იქნა 2016-19 წწ. სამოქმედო გეგმით გათვალისწინებული პროექტები. ამ ეტაპზე დასაფინანსებლად წარმოდგენილი პროექტების პრეზენტაცია გააკეთეს საქართველოში ევროპის საბჭოს ოფისის წარმომადგენლებმა. ევროპის საბჭოსთან ნაყოფიერი თანამშრომლობის შედეგად მიღწეულ წარმატებაზე და სამოქმედო გეგმის ფარგლებში არსებულ პრიორიტეტებზე გაამახვილეს ყურადღება საქართველოს სასჯელაღსრულებისა და პრობაციის მინისტრის მოადგილემ, ზვიად მიხანაშვილმა; სახალხო დამცველის მოადგილემ, ეკატერინე სხილაძემ; შინაგან საქმეთა სამინისტროს აკადემიის რექტორმა, გივი მიქანაძემ; პერსონალურ მონაცემთა დაცვის ინსპექტორმა,თამარ ქალდანმა და ა.შ.
 
სამუშაო შეხვედრის დასასრულს, მხარეებმა გამოთქვეს მზადყოფნა რეფორმების განხორციელების კუთხით აქტიური თანამშრომლობა გააგრძონ ევროპის საბჭოსთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევში რუსეთის მასშტაბური საჰაერო დარტყმის შედეგად მრავალსართულიანი შენობები ჩამოინგრა, ათი ადამიანი დაიღუპა და 50-ზე მეტი დაშავდა

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა