შრომის, ჯანმრთელობისა და სოციალური დაცვის მინისტრ დავით სერგეენკოს განცხადებით, 14 დეკემბრიდან, ის სასწავლო დაწესებულებები და საბავშვო ბაღები, სადაც გრიპის ვირუსის გამო ბავშვების გამოუცხადებლობა 40%-ს აღემატება, 3 დღით დაიკეტება, - ამის შესახებ დავით სერგეენკომ დღეს გამართულ საგანგებო ბრიფინგზე განაცხადა.

როგორც მინისტრმა აღნიშნა, უწყებამ გრიპის ვირუსის გამო კომპლექსური ღონისძიებების გატარება დაიწყო.

დავით სერგეენკომ მოსახლეობას რამდენიმე რეკომენდაციითაც მიმართა..

„დღის საათებში მიმართეთ ოჯახის ექიმს და არა  - სასწრაფოს, ასევე ქრონიკული დაავადებების მქონე მოქალაქეებმა თავი შეიკავონ ხალხმრავალ ადგილებში სიარულისგან, თუ არ იქნება აუცილებლობა. ძალიან დიდი მნიშვნელობა აქვს, განსაკუთრებით ბავშვების შემთხვევაში, ხელების სისუფთავეს, რადგანაც ხელების ხშირი დაბანა არის მნიშვნელოვანი შემაკავებელი ფაქტორი გრიპის ვირუსის გადაცემისაკენ“, -აღნიშნა სერგეენკომ.

ჯანდაცვის მინისტრა მოსახლეობას ურჩია, რომ გრიპის სიმპტომების დროს ოჯახის ექიმს რაც შეიძლება მალე მიმართონ.

„ოჯახის ექიმის კომპეტენციაში შედის გრიპის ვირუსის მკურნალობა, ამიტომ სიმპტომების დროს მიმართეთ ოჯახის ექიმს და არა სასწრაფო სამედიცინო დახმარებას. რაც შეეხება სიმპტომებს ესენია, მაღალი სიცხე, ძლიერი საერთო სისუსტე და თავის და სახსრების ტკივილი“, - განაცხადა დავით სერგეენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს