2016-12-12 21:28:01, 1804 ნახვა
პოლიტიკა
იაპონიის ელჩი საქართველოში: იაპონია აგრძელებს საქართველოს მხარდაჭერას აზიისა და ოკეანეთის მხრიდან
იაპონია აგრძელებს საქართველოს მხარდაჭერას აზიისა და ოკეანეთის მხრიდან, - ამის შესახებ საქართველოში იაპონიის ელჩმა, ტოშიო კაიტანიმ საზეიმო მიღებაზე განაცხადა, რომელიც იაპონიის ეროვნულ დღესასწაულს მიეძღვნა.
როგორც ელჩმა აღნიშნა, ის მოხარულია, რომ საქართველოს ურთიერთობები წინ მიდის ევროკავშირთან, ნატო-სთან და სხვა ქვეყნებთან.
„იაპონია აგრძელებს საქართველოს მხარდაჭერას აზიისა და ოკეანეთის მხრიდან. გვინდა, მოგილოცოთ დემოკრატიული არჩევნების ჩატარება, ახალი მთავრობისა და პარლამენტის ფორმირება. მოხარული ვართ, რომ საქართველოს ურთიერთობები წინ მიდის ევროკავშირთან, განსაკუთრებით სავიზო ლიბერალიზაციის საკითხში, ნატო-სთან და სხვა ქვეყნებთან“, - განაცხადა იაპონიის ელჩმა.
სადღესასწაულო მიღებას საქართველოს პრემიერ-მინისტრი გიორგი კვირიკაშვილიც დაესწრო, რომელმაც აღნიშნა, რომ "უკიდურესად მნიშვნელოვანია ის ურყევი პოზიცია, რომელიც იაპონიას საქართველოს ტერიტორიული მთლიანობის მიმართ აქვს".
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
