დუმის დსთ-ს საქმეთა კომიტეტის თავმჯდომარის ლეონიდ კალაშნიკოვის განცხადებით, ევროკავშირის მხრიდან უკრაინისა და საქართველოს მოქალაქეებისთვის უვიზო რეჟიმის მინიჭების შესაძელბლობა "სატყუარაა". ამის შესახებ კალაშნიკოვმა "რია-ნოვოსტისთან" ინტერვიუში განაცხადა.

როგორც კალაშნიკოვმა აღნიშნა, უვიზო რეჟიმი ხალხის ცხოვრებას არ გააუმჯობესებს და მათ ყოფით პრობლემებს არ მოაგვარებს.

"ისინი მიანიჭებენ მათ უვიზო რეჟიმს, თუმცა მუშაობისა და სხვა უფლებების გარეშე. ეს არის სატყუარა, რომელიც არაფერს გადაწყვეტს იმ ხალხისთვის, ვინც ქვეყანაში ცხოვრობს და უნდა გადაიხადოს ბინის, განათლების და უკრაინაში ცხოვრების სხვა გადასახადები", - განაცხადა დეპუტატმა.

ლეონის კალაშნიკოვმა ასევე მოლდოვის მაგალითი გაიხსენა, რომელიც ევროკავშირთან უვიზო მიმოსვლით უკვე სარგებლობს, თუმცა ბევრი ფარული პრობლემის წინაშე დგას.

"შეხედეთ მოლდოვას, მის გამოცდილებას. მათაც მიანიჭეს უვიზო რეჟიმის უფლება, თუმცა სახელმწიფოს ცხოვრება ამაში არ მდგომარეობს. გაუუქმებენ სავიზო რეჟიმს, მაგრამ ნუთუ ეს რამეს იძლევა? არა, რა თქმა უნდა. მით უმეტეს, რომ უვიზო რეჟიმი ვიზიტორისთვისაა, რომლითაც უკვე სარგებლობს მსოფლიოს მრავალი ქვეყანა, თუმცა რომელიც დასაქმების უფლებას არ იძლევა", - განაცხადა კალაშნიკოვმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს