ნატო-ს მინისტერიალის ფარგლებში, საქართველოს საგარეო საქმეთა მინისტრი მიხეილ ჯანელიძე ესპანელ კოლეგას ალფონსო დასტი კასედოსის შეხვდა.

საგარეო უწყების ინფორმაციით, შეხვედრაზე მინისტრებმა მიმოიხილეს ესპანეთსა და საქართველოს შორის ორმხრივ და მრავალმხრივ ფორმატებში არსებული თანამშრომლობის საკითხები.

მათ იმედი გამოთქვეს, რომ ორ ქვეყანას შორის პოლიტიკურ სფეროში არსებული წარმატებული ურთიერთობა ასევე აისახება სხვადასხვა სფეროში პრაქტიკულ თანამშრომლობაზე. აღინიშნა მაღალი დონის ვიზიტების გაცვლის მნიშვნელობა.

ესპანეთის საგარეო უწყების ხელმძღვანელმა კმაყოფილება გამოთქვა კვირის ბოლოს ესპანეთში საქართველოს საგარეო საქმეთა მინისტრის დაგეგმილი ვიზიტისა და 2017 წლის დასაწყისში საქართველოს პრემიერ-მინისტრის მოსალოდნელი ვიზიტის გამო, რაც მინისტრების შეფასებით ხელს შეუწყობს ესპანეთ-საქართველოს ურთიერთობების კიდევ უფრო განვითარებას.

შემდგომი თანამშრომლობის წარმატებისთვის მინისტრებმა ხაზი გაუსვეს საქართველოში ესპანეთის სრულფასოვანი საელჩოს გახსნის აუცილებლობას. მიხეილ ჯანელიძემ მადლობა გადაუხადა ესპანელ კოლეგას საქართველოს ტერიტორიულ მთლიანობისა და საგარეო პოლიტიკური მისწრაფების მხარდაჭერისთვის.

ალფონსო დასტი კასედოსმა კიდევ ერთხელ დაადასტურა ესპანეთის მხარდაჭერა საქართველოს ევროპული და ევროატლანტიკური მისწრაფების მიმართ, მან აღნიშნა რომ საქართველომ ზედმიწევნით და წარმატებით შეასრულა ვიზალიბერალიზაციის პროცესით გათვალისწინებული ვალდებულებები და მნიშვნელოვანია, რომ ევროკავშირში დასრულდეს შიდა პროცედურები საბოლოო გადაწყვტილების დროულად მისაღებად.

საქართველოს საგარეო უწყების ხელმძღვანელმა ესპანელი კოლეგა ოფიციალური ვიზიტით თბილისში მიიწვია.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს