აჭარის ავტონომიური რესპუბლიკის ჯანმრთელობისა და სოციალური დაცვის მინისტრი ლევან გორგილაძე და მინისტრის მოადგილე ზურაბ თენიეშვილი, შშმ პირთა საკითხებზე გამართულ მრგვალ მაგიდას დაესწრნენ, თემაზე - „საჭიროების როლი შეზღუდული შესაძლებლობის მქონე პირთა დამოუკიდებელი ცხოვრების ხელშეწყობისათვის“.

„დღეს, სოციალური დაცვის სახელმწიფო პროგრამები ორიენტირებულია შეზღუდული შესაძლებლობის მქონე პირთა სოციალურ დახმარებებზე. ჩვენ უნდა დავიწყოთ ზრუნვა შშმ პირთა შესაძლებლობების გაზრდასა და გამოვლენაზე, მათ კონკურენტუნარიანობასა და სოციალურ ინტეგრაციაზე“, - განაცხადა ლევან გორგილაძემ.

დისკუსია პროექტ „შეზღუდული შესაძლებლობის მქონე პირთა სამართლებრივი ადვოკატირების“ ფარგლებში გაიმართა, რომელსაც ააიპ „კოალიცია დამოუკიდებელი ცხოვრებისათვის“ USAID-ის ფინანსური მხარდაჭერით ახორციელებს. პროექტის მიზანია შშმ პირთა უფლებების დაცვის გაეროს 2006 წლის კონვენციის იმპლემენტაციისა და ადგილობრივი კანონმდებლობის აღსრულების ხელშეწყობა, თბილისში, აჭარის, გურიის, სამეგრელოსა და იმერეთის რეგიონებში შშმ პირთა ორგანიზაციების გაძლიერებითა და იურიდიული სერვისების განვითარების გზით.

მრგვალ მაგიდას საქართველოს პარლამენტის წევრები აჭარის ავტონომიური რესპუბლიკიდან, რეგიონების მუნიციპალიტეტებისა და არასამთავრობო ორგანიზაციების წარმომადგენლები ესწრებოდნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან