საქართველოს პირველმა ლედიმ მაკა ჩიჩუამ დამწყები დოკუმენტალისტი ფოტოგრაფის სანდრო დარსაველიძის გამოფენა დაათვალიერა, რომელიც 30 ნოემბერს „ღია გალერეაში" გაიხსნა.

"არაჩვეულებრივად პროფესიონალურად, ძალიან შემოქმედებითად ხედავს სანდრო სამყაროს და ძალიან ინდივიდუალურია მისი ხედვა. გამოფენაზე წარმოდგენილია სხვადასხვა ქვეყნებში გადაღებული ფოტოები, რაც ძალიან შთამბეჭდავია. კომპოზიცია, ფერის გრძნობა, თვითონ ეს იდუმალება, ყველაფერი მიანიშნებს იმისკენ, რომ სანდრო არის ნამდვილი შემოქმედი. მე დღეს აღტაცებული დავრჩი მისი შემოქმედებით", - განაცხადა მაკა ჩიჩუამ.

პრეზიდენტის ადმინისტრაციის პრესსამსახურის ინფორმაციით, სანდრო დარსაველიძე აუტისტური სპექტრის აშლილობის მქონე ახალგაზრდა ფოტოგრაფია, რომლის გამოფენა-გაყიდვას ფონდი "ღია საზოგადოება-საქართველოს" ღია გალერეა მასპინძლობს.

მათივე ცნობით,  ნამუშევრების გაყიდვიდან შემოსული თანხა სანდრო დარსაველიძის გადაწყეტილებით ბავშვთა ჰოსპისს გადაერიცხება.

ნოემბრის თვეში ეს უკვე მეორე გამოფენაა, რომელიც „ღია გალერეაში" ტარდება და აუტისტური სპექტრის აშლილობის მქონე ადამიანების შესაძლებლობებს ეძღვნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს