ჩუღურეთის რაიონში,  გენერალ გიორგი მაზნიაშვილის ქუჩასთან  მდებარე მისივე სახელობის სკვერში, გენერალ გიორგი მაზნიაშვილის ძეგლი  საზეიმოდ გაიხსნა. ძეგლი საქართველოს შეიარაღებული ძალების გენერალური შტაბის უფროსის მოადგილემ, პოლკოვნიკმა ზაზა ჩხაიძემ,  დედაქალაქის მერმა,  დავით ნარმანიამ  და საკრებულოს თავმჯდომარემ,  გიორგი ალიბეგაშვილმ გახსნეს. 

გენერალური შტაბის უფროსის მოადგილემ და თბილისის მერმა  სკვერში შეკრებილ საზოგადოებასთან გენერალ გიორგი მაზნიაშვილის გმირობაზე ისაუბრეს. პოლკოვნიკ ზაზა ჩხაიძის განცხადებით, მნიშვნელოვანია მომავალი თაობა იცნობდეს საკუთარ გმირებს და პატივს სცემდეს მათ ხსოვნას.

ღონისძიებას  გენერლის შთამომავლები,  ვეტერანები,  ჩუღურეთის  რაიონის  მაჟორიტარი დეპუტატი და ადგილობრივი მცხოვრებლები დაესწრნენ.

გიორგი მაზნიაშვილი საბჭოთა რეპრესიებს გაექცა საფრანგეთში. ის გარკვეული პერიოდი პარიზში ცხოვრობდა და საბოლოოდ საქართველოში დაბრუნდა, სადაც კომუნისტურმა ხელისუფლებამ 1937 წელს გიორგი მაზნიაშვილი დაიჭირა და დახვრიტა. მისი საფლავი დღემდე უცნობია.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა