აჭარის მთავრობის თავმჯდომარე ზურაბ პატარაძე დაბა შუახევში გამართულ სახალხო ტრადიციულ დღესასწაულს „შუახევობას" დაესწრო. ღონისძიებას ასევე აჭარის მთავრობის სხვა წევრები და ადგილობრივი მოსახლეობა ესწრებოდა.

შუახევი სახალხო დღესასწაულს „შუახევობა" წელს ოცდამეშვიდედ მასპინძლობს. დღესასწაულის ფარგლებში ღია ცის ქვეშ წარმოდგენილი იყო ყველა სოფლისთვის დამახასიათებელი ეთნოგრაფიული ნიმუშები, გაიმართა ადგილობრივი რეწვის დემონსტრირება და კულინარიული ნაწარმის დამზადება და დაგემოვნება. ასევე მოეწყო სოფლის მეურნეობის პროდუქციის გამოფენა.

შუახევობის დღესასწაული საზეიმო კონცერტით დასრულდა, რომელშიც ფოლკლორული, ვოკალურ-ქორეოგრაფიული ანსამბლები და ინდივიდუალური შემსრულებლები მონაწილეობდნენ. კონცერტის დასრულების შემდეგ კი საპატიო შუახეველები დაასახელეს.

,,შუახევობა", როგორც სახალხო დღესასწაული, სათავეს გასული საუკუნის 80-იანი წლებიდან იღებს. იგი პირველ ათწლეულში სიმღერის დღესასწაულად იყო ცნობილი, მომდევნო წლებში საზოგადოებამ ,,შუახევობა" სახალხო ზეიმად აქცია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა