საქართველოს ენერგეტიკის მინისტრობის კანდიდატის კახი კალაძის განცხადებით, 2020 წლის ბოლომდე დამატებით 200 000 ოჯახი  ბუნებრივ აირს მიიღებს.

მისივე თქმით,  ახალი  სოფლების გაზიფიცირების პროექტი განხორციელდება:

„ დაახლოებით 20 მილიონია ჩადებული ბიუჯეტში მომავალი წლისთვის, რომ ეს პროექტი განვახორციელოთ და მივიღებთ თქვენთან ერთად  გადაწყვეტილებას, თუ რომელი რეგიონები იქნება პრიორიტეტად მიჩნეული“,-აღნიშნა კალაძემ საკომიტეტო მოსმენისას.

კალაძის განმარტებით, საქართველოს მთავრობა აქტიურად აგრძელებს ენერგეტიკის სექტორის განვითარებასა და  გაძლიერებას.

„ხელისუფლება უზრუნველყოფს იმპორტზე დამოკიდებულების შემცირებას, ადგილობრივი ენერგორესურსების რაციონალური ათვისების გზით. ჩვენ ძალიან მდიდარი ქვეყანა ვართ. ბევრი საინტერესო მდინარეა საქართველოში, რომელსაც გააჩნია ენერგეტიკული პოტენციალი. სამწუხაროდ, დაახლოებით 20%-ია ამ რესურსების ათვისებული და ჩვენ ყველაფერი უნდა გავაკეთოთ იმისათვის, რომ უახლოეს მომავალში საქართველო არ იყოს ენერგეტიკულად დამოკიდებული ჩვენს მეზობელ ქვეყანაზე, რადგან რაც უფრო მეტი ელექტროენერგია შემოგვაქვს მეზობელი ქვეყნებიდან, ეს ყველაფერი აისახება მოქალაქეების ჯიბეზე, რადგან გვიწევს ტარიფების გაზრდა და ეს რომ თავიდან ავიცილოთ, მაქსიმალურად უნდა შევძლოთ ადგილობრივი რესურსების ათვისება“,-განაცხადა კახი კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში