თურქეთის ხელისუფლებამ მუსლიმ მქადაგებელთან ფეთჰულა გიულენთან შესაძლო კავშირის გამო, საჯარო სამსახურიდან 15 ათასამდე თანამშრომელი გაათავისუფლა, - ამის შესახებ ინფორმაციას Reuters-ი ავრცელებს.

როგორც მედია საშუალება წერს, სამსახურებიდან გათავისუფლებულ მოქალაქეებს შორის არის 2 ათასი სამხედრო, თითქმის 8 ათასი სამართალდამცველი, ჟანდარმერიის 403 თანამშრომელი და 5 ათასზე მეტი მაღალჩინოსანი.

მედიის ცნობით, ბოლო მონაცემებით ტურქეთში ფეთჰულა გიულენთან შესაძლო კავშირისა და სამხედრო გადატრიალების მცდელობის ბრალდებით სამსახურიდან 110 ათასზე მეტი ადამიანია გათავისუფლებული.

გარდა ამისა, ხელისუფლების განკარგულებით 375 ინსტიტუტი, 18 საქველმოქმედო ოგრანიზაცია და 9 მედია საშუალება დაიხურა.

შეგახსენებთ, რომ ამბოხი თურქეთში მიმდინარე წლის 15 ივლისს მოხდა. შეტაკებების შედეგად 230-ზე მეტი ადამიანი გარდაიცვალა, ხოლო 2 100 ათასზე მეტი მოქალაქე მძიმედ დაშავდა.

თურქეთის ხელისუფლება სამხედრო გადატრიალების მცდელობას მუსლიმ მქადაგებელ ფეთჰულა გიულენს აკისრებს, რომელიც აშშ-ში ცხოვრობს და მის ექსტრადიციას ითხოვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც