ხარკოვის ოლქში სამართალდამცველებმა სკოლის მასწავლებელი დააკავეს, რომელიც 13 წლის გოგონას გაყიდვას ცდილობდა, - ამის შესახებ BBC იუწყება.

მედია საშუალების ინფორმაციით, გოგონა სპეცინტერნატში ცხოვრობდა, რომელიც ძნელად აღსაზრდელი ბავშვებისთვის არის განკუთვნილი.

აღნიშნული ინფორმაცია, თავდაპირველად შინაგან საქმეთა მინისტრმა არსენ ავაკოვმა სოციალურ ქსელ Facebook-ის მეშვეობით გაავრცელა და 52 წლის მასწავლებლის და გოგონას ფოტოები ატვირთა.

სპეცოპერაცია 4 თვის განმავლობაში გრძელდებოდა. ავაკოვის თქმით, ბავშვის "მყიდველმა" მიახვედრა მასწავლებელს, რომ გოგონას ყიდვა ორგანოების შემდგომი ამოღებისა და გაყიდვის მიზნით ხდება.

"მყიდველი" ბავშვის ჯანმრთელობის მდგომარეობით ინტერესდებოდა და მასწავლებელს გოგონას ფოტოსა და ჯანმრთელობის ცნობაში 40 დოლარი გადაუხადა.

მედიის ცნობით, მასწავლებელი გალინა კოვალენკო უკრაინულს, რუსულს და ლიტერატურას ასწავლიდა სკოლაში და მას 20 წელზე მეტი სტაჟი აქვს.

რუსული მედიის ინფორმაციით, კოვალენკომ მეუღლესთან საუბარში აღნიშნა, რომ ის უდანაშაულოა და მას ყველაფერი მოუწყეს.

შინაგან საქემთა მინისტრის განცხადებით, კოვალენკო 1 წლის განმავლობაში აწყობდა გოგონას გაყიდვის გეგმას. მისივე თქმით, გალინა კოვალენკო თვითონ ეძებდა მყიდველებს.

როგორც ავაკოვმა აღნიშნა, ბრალდებული მაშინ დააკავეს, როდესაც მან არასრულწლოვანი ინტერნატის ტერიტორიიდან გამოიყვანა, შეხვდა "მყიდველს" და ფული გამოართვა.

BBC-ის ცნობით, თუ კოვალენკოს ბრალი დაუმტკიცდა მას 12 წლამდე პატიმრობას მიუსჯიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც